breytt útlit

Sælar elskurnar,

langaði svo að breyta til.. var orðin þreytt á græna útlitinu og skellti mér því á létt og doppótt... finnst líka betra að hafa aðaltextann til hægri en hitt á vinstri hlið.. finnst ykkur ekki? er líka að reyna að íslenska síðuna meira og þarf enn að láta image hosting virka.. get ekki sett mynd af mér í profile... skrambinn.. jæja, er illa sofin og mjög veðurbarin eftir póstútburð.. þarf að leggja mig

jæja, enn ein helgin upp runnin!

átti bara alveg ágæta viku, frí í skólanum á mánudag og miðvikudag svo maður náði að vinna aðeins upp lestur í setningafræðinni. Sem betur fer er þokan líka farin en búið að rigna svolítið í staðinn. Í gær, föstudag, var samt svo yndislegt svona páskaveður, sól og frábært að fá sér ís og fara í bíltúr, nammi namm.
Anna-Margrét kom suður á miðvikudaginn og áttum við skemmtilegan lunch og slúður á fimmtudaginn og svo drinks á apótekinu í gær með Elvari og fleirum. Fór nú samt snemma að sofa sökum mikillar þreytu og vinnuhópnum sem hittist von bráðar í grafarvogi :)

Vil nota tækifærið og óska Önnu til hamingju með útskriftina í dag, bling-bling, og Ágústi Óla með 1 1/2 árs afmælið í dag, kiss kiss kiss kiss og knús

verð að þjóta í bili

margt býr í þokunni

ahhh, ég verð að segja að þessi þoka er orðin nokkuð þétt á köflum.. féllust nærri því hendur þegar ég ætlaði að labba í skólann áðan og sá ekki brúna á skothúsvegi þar sem ég stóð hjá fríkirkjunni..
Annars myndast svolítið öðruvísi andrúmsloft í kringum þessa þoku. mér finnst færri á ferli og svei mér ef fólk keyrir ekki aðeins hægar. Við veltum fyrir okkur hvort að fólk myndi fyllast ofsóknarbrjálæði ef þokan yrði í nokkrar vikur svona þétt, fara að ásaka hvort annað um stuld og alls kyns uppátæki um allan bæ!

Ég virðist vera sérstaklega pestasækin þessa dagana því ég lagðist í enn einn kvef/flensu ógeðisskammt um helgina en er á hröðum batavegi og get andað gegnum báðar nasirnar í dag! hljóma samt ennþá eins og phoebe þegar hún var með sexy voice nema hvað hún er ekki sexy hjá mér og við guðjón sjúgum upp í nefið í steríó heima (útlendingum til mikillar hrylli)...

Survivor byrjaði í gær og ég held ég hafi sjaldan fylgst með af jafn mikilli eftirvæntingu! var búin að frétta af 3 myndu hætta áður en fyrsti dagurinn væri jafnvel liðinn en svo reyndist ekki og var þetta því ekki eins svakalegt og ég átti von á. En mikið vona ég að þeir haldi fólkinu í óvissu allan tímann, geri það svolítið stressað, tíhí það væri fyndið..
jæja, ég verð að fara að læra víst, bleble

betra er fugl í hendi en tveir í skógi...

... sagði einhver vitur maður einu sinni. Ég er alltof löt við að blogga hérna, skamm skamm.. sé að ég hef ekki yrt hér síðan á sunnudaginn!hamingjan sanna. Lenti í (ó)veðri í gær þegar ég var að bera út, fæ hroll við tilhugsunina bara, brrrr! snjór ofan í hálsakotið og tilheyrandi vibbi... restin af vikunni er búin að vera svipuð, vont veður, lítill skóli og mikil innivera..

Annars er fyndið hvernig allt klárast á sama tíma. þá á ég við sjampó, þvottaduft, uppþvottalög.. kannski vegna þess að maður kaupir þetta allt á sama tíma þegar maður flytur inn á nýjan stað og svo er maður svona líka rosalega jafn í notkun á þessu, fliss fliss. Þarf að skunda í bónus núna og kaupa inn fyrrtaldar vörur þar sem ég gleymdi að taka debetkortið mitt með mér í vinnuna svo nú þarf ég að halda á öllu heila draslinu í stað þess að geta trillað því heim í póstkerrunni! vei!
Í kvöld er ég að spá í að fara í bókmenntagöngu í tilefni vetrarhátíðarinnar. Þeir sem hafa áhuga er bent á að brottför er frá borgarbókasafninu kl. 20:30 og er fararstjóri Úlfhildur Dagsdóttir. Verður pottþétt stuð stuð stuð...
jæja, best að dúða sig og skunda í bónus.. ekki gleyma vettlingum

now you´re one year older...

Guðjón á afmæli í dag! jeijie!
það þýðir að ég bakaði köku og hann ætlar að elda góðan mat fyrir okkur rúnar, húrrey!

Dagurinn í gær var schnilld eins og þið hafið kannski séð í commentum síðasta pósts.. endaði með því að tala svo mikið við maju að hún bíður þess varla bætur, djóóóók, hehehehe.. Horfðum á BAFTA verðlaunin og litla íslenska hjartað sló örar við að sjá Valdísi Óskarsdóttur standa á sviðinu og þakka fyrir sig, ótrúlega flott hjá henni..
Náði síðan að læra í dag og get því slappað núna af aðeins og horft á eitthvað af myndunum sem Maja lánaði mér, kannski much ado about nothing?hmmm

símatími

arg,

biðst afsökunar á skorti á bloggi þessa vikuna en ég er búin að vera lasin heima og ekki haft í raun frá neinu að segja :( fékk flensueinkenni á þriðjudaginn (ekki gott) og var heima þar til í gærmorgun að ég drattaðist í vinnuna en var samt þreytt og ómöguleg svo ég lagði mig þegar ég kom heim aftur. virtist hressast við það :)

Annars voru stúdentakosningar á mið. og fim. en ég kaus ekki sökum fyrrnefndra veikinda. Hefði viljað kjósa þar sem ég er búin að tala við alla um sinnuleysi minnar kynslóðar sem lýsir sér einmitt vel í því að aðeins um 3300 kusu af þeim 9000 sem voru á kjörskrá.. allt og lítið, allt of lítið...

Náði að klára Bátur með segli og allt eftir hana Gerði Kristnýu (vonandi rétt stafað) og ég skemmti mér hreint út sagt alveg ágætlega. Minn mælikvarði er að ef ég hlæ upphátt að minnsta kosti 2svar þá hlýtur að vera eitthvað til í henni. ég hló nokkuð oftar en það svo hún fellur í flokk með skemmtilegum bókum. Enging stjörnugjöf hér samt, læt fagmönnum það eftir...

Er á leiðinni í vinnuhóp með Maju og Berglindi uppí grafarvogi og hlakka til að sjá hvernig gengur hjá okkur að tala minna, vinna meira...

magapestir

ok

helgin var flott, gott partý, takk strákar á skjal.is að sýna lit og koma í heimahús með klikkuðu fólki..frábært.
Annars fór laugardagurinn í þynnku og ælu dauðans og í gær borðaði ég sem sagt funky chicken og er búin að vera með magapínu og ógleði síðan þá, oj bara og ulla bjakk. er samt í skólanum og á eftir að fara út í þetta guðsvolaða veður og bera út, búhú fyrir mér

skjal.is og partý

jójó

þá er kominn föstudagur aftur og enn eitt partýið! í þetta skiptið heima hjá mér! sit reyndar núna heima hjá guðrúnu og erum að bíða eftir Maju til að fá okkur pizzu og bjór, veivei! erum svo á leið í fyrstu vísindaferð þýðingafræðinema í Skjal.is og svo er ætlunin að skunda á hallveigarstíginn og djamma eitthvað fram eftir :) Vonast eftir góðri mætingu og keypti saltstangir í tilefni dagsins (tilboð í bónus :)

annars er vikan búin að líða ansi hratt, lítið gert nema þýtt og sofið aðallega, lítið um guiding í imbanum en þó byrjaði Mountain á miðvikudaginn. Þótti hann ágætur en sá svo á netinu að aðeins voru framleiddir 13 þættir svo þetta verður stutt stopp á skjánum.. jæja, best ég hjálpi guðrúnu með eitthvað hérna tjus elskurnar mínar og góða helgi!!

Lára þýðandi "derrier extrordiner"

Sjaldan er allt svo slæmt að eitthvað gott komi ekki og bjargi deginum

eða hvernig hljómar þessi málsháttur annars? hehe, alla vega þá er ég komin meið fartölvuna mína aftur og hún virkar! kyss kyss til viðgerðarmannanna í Opnum Kerfum sem redduðu þessu (nýtt lyklaborð takk fyrir) og kostnaðurinn? Enginn! Veivei! "Fellur undir ábyrgð" eru sem tónlist í mínum eyrum...

Annars er kominn febrúar og drungalegi janúar að baki. Helgin var frábær og vil ég þakka þeim stöllum Örnu og Erlu fyrir hreint út sagt mergjað partý út á nesi með MA reunion ívafi ;) ég vil einnig nota tækifærið og þakka Hólmari fyrir að hafa húmor fyrir drykkjubrandara okkar Guðjóns (spagettí í rúmið, pappakassar fyrir hurðinni) og æmta hvorki né skræmta..hetja.

Þessi vika er nú hálfnuð og ég get varla sagt að ég sjái á eftir henni! Ég er búin að vera frekar slöpp og svo er ógeðslegt veður og ekkert guiding í 2 daga..slappt slappt.. ætla að setja mig í stellingar fyrir kl 5 til að sjá hvort Buzz Cooper flýr frá Springfield eður ei...

health, health, health

Jæja, ég er búin að vera svo heilsusamleg í dag að ég er búin að hrista af mér slen vikunnar! Búin að vera ómöguleg í 4 daga, þreytt, pirruð og allt of erfitt að drífa sig út á morgnanna... en ekki lengur!
Byrjaði að sjálfsögðu á göngutúrnum með póstinn og tókst að koma þjófavarnarkerfinu í Erotica shop í gang. svalt. Hitti svo gamlan bekkjarfélaga úr Oddeyrarskóla, Andra Rafn! alveg þekkti hann mig og ég hann, fyndið alveg.. Svo skellti ég mér í sund og synti 1km, bringu- og bakskriðsund alveg í bland (ég er að batna Mæja) og fékk mér svo rosalega hollt í matinn. Er núna í Árnagarði eftir velheppnaðar ferðir á bókasöfnin mín og göngutúr í skólann. hananú! Er full af orku og staðfestu.

Er boðin í 2x25 ára afmæli á morgun til Erlu Maríu og Örnu þannig að helgin virkar spennandi.. kyss kyss

Mission impossible þemalag

Ok, veit ekki hvort það eru einhverjir handboltaáhugamenn sem lesa þetta blogg en ég læt vaða. Hver tók þá ákvörðun að það kæmi svona riddaraliðs da-da-da-da-DA-da-DA-da-daaaaa alltaf þegar íslenska liðið skorar mark? Og mission impossible þegar þurrkaður er sviti af gólfinu? Sé fyrir mér lítinn túnisbúa hlaupa inn í svörtum fötum með headset og litla moppu, ímyndar sér að hann sé Tom Cruise á örlagastundu...

Komst líka að því í vikunni að það er erfitt að synda bakskriðsund nema maður hafi sérbraut útaf fyrir sig. Gömlu kallarnir úr elliblokkunum í nágrenni Sundhallarinnar synda baksund old-style og líta út eins og krossfiskar – og taka jafnmikið pláss. Þeir eru krútt en plássfrekir þannig að ég bíð þolinmóð eftir margra hæða sundlaugum...mmm...

Hjartað mitt fer þó út til vinkonu minnar sem í dag þurfti að jarða pabba sinn eftir langa sjúkralegu. Það er engin leið til þess að skilja sársaukann og sorgina sem fylgir því en ég kveiki á kerti fyrir þau bæði og vona að hugsanir mínar styrki hana á erfiðum tímum.

Mánudagur enn á ný

ég hef ákveðið að í stað þess að kvarta alltaf á mánudögum og finnast allt ömurlegt og langt í næstu helgi og svona þá ætla ég frekar að láta sem þetta sé ný byrjun, hægt að þvo syndir helgarinnar (pepsi og nammi, svei) og ég hef 5 heilbrigða og góða daga þar til næsta syndaskömm byrjar! Er í skólanum og á eftir að fara í vinnuna aftur, mánudagar eru erfiðir dagar til að byrja á bjartsýni...

Átti mjög góða helgi, lærði sem aldrei fyrr á laugardaginn, talaði við Gauta sem sagði að ég væri mjög gott efni í þýðanda og peppaðist öll upp við það. Hann sagði reyndar að ég ætti að lesa meira á íslensku, væri greinilga búin að vænrækja mitt ástkæra ylhýra (sérstaklega y reglur) og þyrfti að bæta úr því. Geri það nú strax og hef sett allar erlendar bækur í bann og ætla að næla mér í einhverja af bókunum sem ég sá í bókatíðindum og fannst spennandi...

Jæja, þá er maður orðinn 25 ára! Ég vil endilega þakka öllum velunnurum mínum fyrir yndisleg sms, símtöl og tölvupósta.. sérstaklega vil ég þó þakka foreldrum mínum fyrir að kíkja á mig á leiðinni heim frá ameríku..
Ég átti ansi góðan afmælisdag, stutt í vinnunni, foreldrar í heimsókn ásamt litlu systur. Síðan slappaði ég geðveikt af til kl 7 þegar við Guðjón fórum á Rossopomodoro og fengum frábæran mat ogenn frábærari eftirrétt. Við skelltum okkkur svo í bíó á Alexander og ég veit ekki hver slefaði meira ég eða hann! Colin Farrel er hummana-hummana-hummana flottur í þessari mynd og þó víða væri leitað, svei mér... hún var samt ansi löng, rúmir 3 tímar og við vorum bæði í spreng meðan við brunuðum heim á leið um miðnætti.

Annars er allt við sama heygarðshornið, er að fara á morgun í svona vinnudag þannig að ætli ég drífi mig ekki bara að þýða eitthvað núna til að geta sagt eitthvað af viti..

jólatréið og fleira

ok, þannig að ég er að vinna á í þessari baráttu við imageshack með myndirnar mínar, humph... hér eru sem sagt nokkrar vel valdar



Jólatréið okkar þegar við komum suður aftur, vatnslaust og alls laust í 2 vikur


útsýnið frá útidyrunum á jóladag, eftir að það var mokað


Ágúst Óli á Eiðsvelli í "búðinni"

schnilld

einkunnir

Veit aldrei hvernig rétt leið til að skrifa þetta orð er... vá.. verð að laga orðaröðina mína líka hehehe. en alla vega, ég er sem sagt búin að fá út úr ÖLLUM kúrsum síðasta árs og eru þær sem hér segir:
Amerískar bókmenntir frá suðvestur landamærunum: 9.5
Fjölmiðlaþýðingar: 9.0
Þýðingar textar og orðræða: 9.0
Þýðingafræði: 8.5
sem gerir meðaleinkunina mína slétta 9.0...flottur flottur..
jei! Þetta eru náttúrulega brillíant einkunnir/annir og ég gæti ekki verið sáttari. Held ég stefni að því að þýða rauðu seríuna í sumar, ú je beibí...

Átti góða helgi en var nú ekki eins dugleg og ég ætlaði mér. Ég fór og hitti guðrúnu yfir bjór á Celtic Cross áður en ég rölti niður á Hressó (formerly McDonalds) og hitti ALana og fleiri góða útlendinga og tölti svo heim um 1 leytið. spök bara, en horfði reyndar á 3 Ab-Fab þætti með guðjóni og dreymdi síðan að ég væri Eddie, geri aðrir betur. Á sunnudaginn kom María Erla í vöfflukaffi og spjall og ég fékk að koma við gervibrjóst. svalt.

Er annars búin að uppgötva disk sem ég fékk frá steinunni systur í sumar einhvern tímann en ég hafði lagt á hilluna þegar ég flutti suður, Long gone before daylight með The Cardigans, alveg þrusugóður, miklu betri en mig minnti. Kláraði svo líka Bítlaávarpið eftir hann Einar Má minn og hún er bara býsna góð, klassískur Einar, e.t.v aðeins snubbóttari en áður en samt snilld.

Sit núna í Árnagarði og íhuga það hvernig það verði að vera 25 ára en ég á víst afmæli á morgun. Er búin að panta borð á Rossopomodoro þar sem við guðjón ætlum að snæða eitthvað feitt og gott annað kvöld í tilefni dagsins.. kvíð mest fyrir því að í vinnunni spilar stimpilklukkan afmælislagið þegar maður stimplar sig inn, úff úff höndla það varla kl. 8 í fyrramálið

eru föstudagar flöskudagar?

jó jó, er komin í helgarfrí!! var reyndar komin í helgarfrí í gær því ég er ekkert í skólanum á föstudögum en ég þurfti auðvitaði í vinnuna þannig að nú er ég officially komin í helgarfrí...
Ma og Pa eru í Flórída þessa stundina að versla þar til þau detta niður og vona ég að þau sjái þetta (takk fyrir commentið elskurnar mínar).
Steinunn systur var hjá mér í gær og skottuðumst við upp í kringlu til að fá okkur eitthvað að borða og kíkja á barnaföt á útsölu. Þar var ekki um auðugan garð að gresja þannig að við flýttum okkur aftur heim og þá fékk ég að sjá Amazing Race þáttinn íslenska og vá hvað þetta var steikt lið!
Ok, í fyrsta lagi er náttúrulega HILARIOUS að heyra kynnirinn reyna að segja "breiðamerkursandur" og "vatnajökull". Ég vildi bara að þeir hefðu látið alla keppenduna segja þetta líka, hefði verið klikkað efni í brandara. Það sem kom mér samt á óvart var hvað allir keppendurnir vissu hvað bláa lónið var og voru þvílíkt spenntir. Þeir gætu reyndar hafa lesið sér til um það í blaði Icelandair en samt..
Vel gert of skemmtilegt að horfa á þetta..

Er á leiðinni upp í smáralind til þess að býtta á lyklaborðum bið BT guttana þar og kíkja á Evu systur og svo er búið að bjóða mér í útlendingaparty á Hressó í kvöld, vúhú! Býst svo við a ðvera mjöööög dugleg um helgina og búa nánast á bókhlöðunni til þess að ná nú góðri byrjun og vera ekki með allt á hælunum aftur..

Ávextir eiga heima í tré

Þessa snilldar setningu lét ég út úr mér í IKEA þar sem við leituðum að ávaxtaskál til að hafa á eldhúsborðinu – geri aðrir betur.

Helgin var fín, frekar viðburðarlítil en náði þó að sjá The Incredibles í bíó á laugardaginn og synda 1 kílómeter sama dag.. hehe. Þessi mynd er snilldarverk, bæði í söguþræði og eins hvernig hún er gerð. Sjaldan séð jafn vel teiknaða mynd og þessa – a+ segi ég bara. Ég og Guðjón höfum tekið upp heilsusamlegt líferni, Rúnari til mikillar armæðu enda neyðist hann þá til að vera heilsusamlegur með okkur. Borðum hollan mat og slepptum meira að segja að fá okkur pylsu í IKEA þrátt fyrir lokkandi ilminn þar sem við stóðum í allt of langri röð.. alltaf raðir þegar útsölur eru.

Náði að klára fyrstu bók ársins nefnilega Little Earthquakes eftir Jennifer Weiner. Þetta er ekta stelpubók en þó ekki meðfullkomnum “happily ever after” endi heldur meira svona um hvernig lífið er – enginn sykurbráð ofaná þessari takk. Er alveg að klára Bítlaávarpið og sé fram á að geta byrjað á einhverju spennandi á næstunni (þ.e. ef skólinn tekur ekki öll völd af manni).

Byrjaði í skólanum í morgun – íslensk setningarfræði.. já. Veit að þetta er örugglega skemmtilegt inn við beinið en ég gat ekki í dag séð lengra en skinnið og efsta fitulagið.. vonum það besta..

aftur fór ég suður

Jæja þá er ég komin aftur í borg óttans. Komst suður á mánudaginn með flugi dauðans (án spaugs) og var þetta nánast eina vélin sem komst suður þann daginn. Þakka lífi mínu að Raggi var co-pilot og sýndi snilldar takta í ókyrrðinni og skyggni EKKERT! Er búin að koma mér vel aftur fyrir á Hallveigarstígnum en það var vond lykt þar þegar ég kom aftur....svona "það er enginn búinn að vera hérna í 2 vikur"-lykt. Til að bæta svo ofan á þá gleði var vatnið í krönunum gult og jólatréið svo slappt að ef ég horfði á það þá hrundu 50 greninálar af því.. gleði.

Annars er merkilegt hvað fólk á marga bankareikninga. Flestir í mínu pósthverfi eru með minnst 2 og helst 3-4. Hvað er fólk að stofna svona marga? Ég á 2 - 1 fyrir debetkortið og 1 fyrir langtímasparnað sem endist yfirleitt yfir sumarið og er búinn um jólin-. Það tók mig sem sagt 2 daga að bera út gluggaumslög frá öllum bönkunum með reikningsyfirliti síðasta árs í farteskinu til þegna minna en það jákvæða við þetta var að ég komst að því að Íslandsbanki opnar nú kl 8:30 á morgnanna, nema í verslunarmiðstöðvum. Svalt.

2 nýir þætti byrjuðu á RÚV á mánudag og þriðjudag, bandarískur og breskur. Sá bandaríski, Line of Fire, fjallar um unga píu sem er nýbyrjuð í FBI og að sjálfsögðu missti hún manninn sinn í 9/11 þar sem hann var í Pentagon greyið. Lofa góðu ef þeir sýna meira af vonda mafíugaurnum sem hræddi mig talsvert, og tala minna um þjóðernisást. En breski þátturinn...mmm.. get ekki að því gert að finnast breskir þættir góðir. Murder City var fyndinn, sérstaklega þar sem aðalgaurinn var í My Family og lék þar náttúrulega hálfvita en hér er hann býsna klár. Samt fyrirsjáanlegt plott .. verða að vinna í þessu. En ég bíð samt spennt eftir því að Little Britain byrji!! Hlakka til, hlakka til ..

Er núna búin að fá Guðjón aftur til mín og við ætlum að reyna að komast á Alfie í kvöld í bíó (Jude Law er sætur, ó já) og svo tekur helgin við.. ætli ég reyni ekki að lesa mér eitthvað til í náminu þar sem ég byrja víst á mánudaginn?
já, ég er annars búin að koma mér upp svona mynda hosting einhverstaðar á netinu sem bjössi benti mér á en á bara eftir að minnka myndirnar mínar niður í viðráðanlegar stærðir..hehehe.. lofa að bráðum verði síðan myndum prýdd..

nú árið er liðið

maður á víst að hugsa til baka og framávið á þessum tímamótum og ég er bara nokkuð sátt.
Vann í 8 mánuði í apóteki, flutti til reykjavíkur og byrjaði að búa í 101 eins og hver önnur miðbæjarrotta með fatahönnuði úr listháskólanum í þokkabót. Skellti mér í mastersnám í háskólanum og fékk hökurnar á píunum á póstinum til að skella í borðið (fliss fliss), fékk já vinnu á póstinum og er víst ein af duglegustu manneskjunum þar (veivei). Gott ár, gott ár.. svona eins og 2 ára hvítvín :)

Nú framundan er svo árið mikla 2005 þar sem ég mun víst smella í 25 ára aldurinn..hmm.. einungis 20 dagar í það, ahemm, blóm og kransar afþakkaðir! Við rottumst áfram í 101 og hver veit nema við guðjón endum bæði á kassa í IKEA - við elskum alla vega húsgögnin meira en margt annað...

Hafiði það gott í kvöld, þrátt fyrir slæma veðurspá verður hægt að dunda sér ýmislegt, kojufyllerí og sms sendingar eða eitthvað skemmtilegra!
vona samt að ártalið sjáist upp í heiði... hmm, bjartsýni, bjartsýni

allt búið

árið er nánast á enda. Bara 1 og 1/2 dagur eftir og þá er víst komið 2005. Það er ekki með góðum hætti sem þessi áramót byrja. Jarðskjálftinn og flóðin í Asíu eru í öllum fréttatímum, fólk sem stendur á flugvellinum og bíður eftir að komast heim, aðeins á sundfötunum og veit jafnvel ekki hvar hinir úr ferðinni eru niðurkomnir. Þrátt fyrir allar þessar hörmungar þá á ég mjög erfitt með að finna fyrir neinu þegar ég sé þessar myndir. Þetta er einhvern veginn óraunverulegt - eins og deleted shots úr myndinni The day after tomorrow... ég skil ekki hvernig sinnuleysið getur orðið svona mikið en ég held að þetta sé einfaldlega of stórt til þess að maður nái fullkomlega utanum þetta.

Svo heyrði ég sænska fjölskyldu segja frá því hvernig fólk á Sri Lanka gékk úr rúmi fyrir þau- meira að segja 75 ára gömul hjartveik kona. Það fór nú smá flökt um hjartað mitt en ekki nóg. Það er meiri kærleikur og fórnfýsi hjá fólkinu sem lendir í hamförunum heldur en hinum sem fylgjast aðeins með á sjónvarpsskjánum.
Það sem syrgir mig mest er fréttin sem ég las á mbl.is í gær um það að bandaríkin sögðu að "hugsanlega mætti gefa upp skuldir asíuríkja vegna hamfaranna". Hugsanlega? þetta eru ekki skilaboðin sem við eigum að senda fólkinu þarna..