I've got music, i've got rhythm...

Þegar ég er að vinna þá er ég yfileitt svo þreytt þegar ég kem heim að ég nenni aldrei að blogga, en nú er víst kominn mánudagur og tími til!

Fór í Hollywood söngleiki á föstudaginn og það var tær snilld sem sagt.. ekkert flottara en Fred Astair og Ginger Rogers að tjútta alveg á milljón í fabulous fötum og syngja líka! Eftir þennan tíma áttum við María Erla að fara á Esjuna en enduðum á Bókmenntahátíðinni og hlustuðum á Paul Auster tala um bækurnar sínar.. alveg hreint frábært..

Á laugardaginn var svo vinna og schnilldar partý hjá starfsmannafélgi IKEA á Sólon þar sem ég virstist vera eina manneskjan sem ekki var að hella í sig (í bókstaflegri merkingu) og slapp ég því með nokkrar skemmtilegar myndir af hinum og með þreytu en ekki timburmenn í vinnunni í gær! Frekar fyndið hvað flestir voru alveg ekki í góðum fílíng í gær, flissaði oft og lengi yfir þessu fólki :D

en í dag er víst mánudagur, ég er drulluþreytt eftir helgina en ég á víst að fara og vinna í apótekinu á eftir og ikea á morgun.. og á fimmtudaginn og svo aftur í apótekið á föstudaginn....

en ég á frí um helgina :D

Hollívúdd mjúsikals

Það á ekki beint að ganga hjá mér að vera í skólanum! Um daginn þurfti ég að skifta um bókmenntaáfanga og svo núna þegar Textagerð byrjaði loksins í gær kom í ljós að hann var svona imba-proof og ég þurfti að leita mér að öðrum áfanga. Eftir að hafa skimað yfir stundaskrá Íslenskuskors með hrylling í hjarta ákvað ég að draga upp trompið í erminni: ég á inni 5 einingar í enskunni! Trítlaði yfir í Odda og skellti mér á Hollywood Söngleiki hjá Martin Regal, very nice my friend.
Það besta við þetta allt saman er að Lisa er í þessum áfanga líka (jei!) þannig að ég þekki alla vega eina manneskju ;)

Dagurinn í gær tók samt svolítið á því ég fattaði að ég var búin að vera með hausverk í tvo daga, komin með kvef og hnerra og sofnaði næstum því í bókmenntafræðitímanum. Þetta voru allt saman merki um að ég er ekki búin að hugsa nógu vel um heilsuna, svefninn og að borða nógu reglulega þannig að ég skellti mér á eins og 11 tíma svefn í nótt!

Í dag er vinnudagur..vona að ég selji sjúklega mikið ;)

Annars er ég að reyna að komast heim.. veit einhver um far til Akureyrar á fös. 23 sept eða 7 okt?? endilega látið mig vita

klukk

ok,
manni hefnist fyrir að lesa blogg annarra reglulega.. las áðan á síðunni hennar Ellu Maju að hún er víst að klukka mig (og fleiri) til að deila 5 handahófskenndum staðreyndum um sjálfa mig.

1. Ég er heilluð af alvöru krufningum á látnu fólki, ekki "ó-ekta" eins og sést í CSI og fleiri þáttum. Það er eitthvað svo hrikalegt en á sama tíma svo sjúklega spennandi.

2. Ég hef aldrei ekið hringinn í kringum landið. Svæðið á milli Stokkseyrar og Djúpavogs er ókannað svæði fyrir mér... einhvern daginn, einhvern daginn...

3. Mér finnst hákarl góður á bragðið. Virkilega góður.

4. Þrátt fyrir að ég dáist að fegurð hafisins er fátt sem ég hræðist meira. Ég get ekki horft á kafbátamyndir eða myndir sem fjalla um hamfarir á sjó. Gerði undantekningu með Titanic og fékk martraðir eftir á.

5. Ég skammast mín stundum fyrir að vilja vera heimavinnandi húsmóðir með grænmetisgarði, sultugerð og 2 börn. Finnst ég vera að svíkja þær konur sem börðust fyrir auknum réttindum kvenna. En svo skammast ég mín fyrir að hugsa þannig :)

vá.. þetta var kannski meira en sumir vildu vita en þetta var fínt fyrir mig.. alltaf gaman að bera drauma sína, hræðslur og skringileika..

mayhem and sunday dinners

já.. ahemm.. ég er nú ekki búin að vera í fríi eins og ég sagðist ætla að vera heldur tók ég að mér aukavaktir bæði í gær og í dag. þreytt. náði nú samt að grafa upp geislaspilarann minn og hlustaði á St. Germain á leiðinni í og úr vinnu og hugsað nokkur ár aftur í tímann þegar ég keypti þann disk.. mmm..

vikan framundan lofar góðu - er að fara í skólann á mán-mið-fös og vinna dagana á milli auk hittings á Ara í Ögri annað kvöld og staffapartýið mikla á Sólon næsta laugardag.. úff það verður stuð!

andlaus andi í mér í dag.. ætla að borða eitthvað og kíkja á kassann..
ble

of mikið

fattaði allt í einu að það er kominn fimmtudagur og ég hef ekkert bloggað í vikunni! Það er nú ekki eins og ég hafi ekki verið að gera hellings.. kannski er það málið - það var einfaldlega of mikið að gera :)
stutt recap:
-Á sunnudaginn fengum við Tóta, Fríða, Monika, Ingibjörg og Lísa að bragða á yndislegum vöfflum hjá Maríu og Krumma á nesinu. Ótrúlega gaman að rifja upp gömul kynni og sjá hvað þær eru að gera í dag.. lovely day indeed..

-Á mánudaginn byrjaði ég svo í skólanum aftur, jei! Eftir að hafa setið í klukkutíma í einum bókmenntaáfanga var mér kurteisislega bent á að hann væri allt of auðveldur fyrir mig og mér sagt að fara í framhaldsáfangann sem heitir Straumar og Stefnur í bókmenntafræði. ok. Nýtti þessa 2 klukkutíma sem ég þurfti að bíða í að standa í röð í bóksölunni og ná í þýðingafræðiverkefnin mín frá því í vor. Sama umsögn: LESA MEIRA Á ÍSLENSKU! Þannig að nú eru ensku bækurnar aftur komnar í bann en þær höfðu fundið sér leið aftur inn í líf mitt.. ansans.. Hitti svo Guðrúnu á Ara Í Ögri og kjöftuðum við um allt og ekki neitt... aðallega breskt sjónvarpsefni, hehehe..frekar langur dagur sem endaði með stuttri heimsókn frá eldri systur minni og LOST þætti.

-Á þriðjudaginn komst ég að því að skólasystir mín að norðan (sem ég hélt að væri í Barcelona) er komin til landsins og er í sama kúrs og ég í skólanum!! rakst á hana á bókasafninu þar sem ég reyndi að berja fallega drenginn augum (án árangurs samt). Labbaði þó út með fullt af bókum: Kristnihald undir Jökli eftir hann Halldór minn; Fjallkirkjan (I) eftir Gunnar Gunnarsson, Leigjandann eftir Svövu Jakobsdóttur (skyldulesning í skólanum) og Mávahlátur.. man ekki hvað hún heitir pían,, Kristín eitthvað.. Fór svo sem sagt í vinnuna og seldi fullt fullt af hlutum

Í gær var svo stíft prógram þar sem ég fór og flutti bankaviðskipti mín úr Sparisjóðnum yfir í Landsbankann. ó já.. Þetta tók allt saman sinn tíma og eftir það labbaði ég um þarna í kringum Mjóddina og spókaði mig í þessum örfáu sólargeislum sem komu fram í gær.. vann svo aukavakt í IKEA og uppgötvaði glænýtt office romance meðal starfsfólksins og bíð spennt eftir að komast í vinnuna á eftir.. þetta er mín sápuópera.

Vá ok, ef fólk er búið að nenna að lesa svona langt þá er best að ljúka þessu á styttri nótunum; vinna í dag og svo frí alveg fram á næsta þriðjudag.. engin plön fyrir helgina ennþá..
tak för

Kaupæði

Fór með Maríu og Ingibjörgu á Esjuna í gær og duttum við aðeins í krækiberjalyngið á leiðinni enda risaber og mörg á hverri þúfu.. liggur við að ég sé ennþá blá á tungunni ;) góð ferð í góðu veðri...

En talandi um kaupæði..Fólk fór hamförum í búðinni í dag! hef bara sjaldan séð jafnmarga í biðröð eftir afgreiðslu og eftir 5 klukkutíma var alveg komin með nóg og labbaði út úr búðinni án þess að blikka!
eyddi svo restinni af deginum í að kaupa í matinn og græja klósettið og ætla nú að leggjast undir teppi og glápa á Sahara og eta nammi gott..

lifið heil

Product of IKEA

var að enda við að baka köku fyrir apótekskonurnar mínar.. ætla að kíkja á þær á morgun og færa þeim eina súkkulaðibombu a la Betty! EFtir þá heimsókn ætla ég að arka á Esjuna með Maríu og vonandi Lísu og Monkiu.. mæting kl. 12 ef fólk hefur áhuga!

Annars er ég búin að taka þessa síðustu daga í ágætis tiltekt og skipulagningu á plássi í svefnherberginu. Hef lúmskan grun um að IKEA sé hægt og sígandi að innrita einhverja Bree Van de Camp inn í mig...mm.. Fór einmitt í vinnuna í dag og mætti ekki starfsmannastjórinn með myndavél til að skella í eins og eina mynd á starfsmannavegginn fræga! Þetta er einn fyndnasti veggur sem ég hef séð því myndirnar eru settar í svona vasa eins og eru á öllum húsgögnum og hlutum í IKEA og svo stendur nafnið og deildin og hvað maður er búinn að vinna lengi á miðanum.. hehe hehe hehe hehe

product of IKEA indeed...

dóna comment

Ég þurfti að eyða út síðasta pósti því það voru komin 4 eða 5 comment með linkum inn á klámsíður. Hef lent í þessu áður reyndar og eyddi þá bara líka út póstinum. hana nú!
Fór að vinna í IKEA í gær og skemmti mér alveg ágætlega. Fólk virðist ennþá vera að fatta nýja opnunartímann og því var lítið að gera síðasta klukkutímann eða svo en í staðinn fórum við bara yfir vörurnar og skelltum hinum sívinsælu "þessi vara er ekki til en væntanleg. Hafið samband við afgreiðslufólk" miðum á hinar ýmsu kommóður!Held að þetta verði bara alveg glimrandi jobb...

Í dag er ég svo í fríi þannig að ég ætla að reyna að mála klósettið okkar - alla vega eina umferð eða svo og svo bara slappa af.. finn að ég er ennþá pínu þreytt þannig að ég nota þessa síðustu frídaga fyrir skólann til þess að hvíla mig vel..

Já og Esjan á föstudaginn hljómar bara nokk vel!

Sumarlok

Á morgun er næst síðasti vinnudagur minn í apótekinu. Á morgun fer ég líka norður til Akureyrar í smá helgarfrí og afmælisveislu hjá Ágústi Óla - það er verið að bara súkkulaðikökuna as i type this..

Fór að hugsa um hvað sumarið gaf mér í ár:
Júní:
-Bjó á Akureyri og átti ómetanlegar stundir með fjölskyldunni
-varð 5 ára stúdent og fagnaði vel í höllinni
-fann Lay's tómatsósuflögur og grét af gleði þegar ég smakkaði þær
-keypti mér geisladisk í fyrsta sinn í rúmt ár
-flutti aftur suður og átti mitt fyrsta sumar í Reykjavík

Júlí:
-Fór í fyrsta sinn í fjallgöngu á Esjuna og náði Steini. Fór svo aftur 2 vikum síðar með Maríu minni og á vonandi inni eina ferð í viðbót
-fór að stunda líkamsrækt markvisst og sé árangur í dag
-borðaði sjúklega mikið af Bónus svínahnakka grillkjöti og náði að þróa grilltækni mína þannig að ég fæ einungis vott af reykeitrun núna ;)
-Las Harry Potter 6 á innan við 36 klst.
-Eva Stína eignaðist Óskar Smára
-Fyrsta verslunarmannahelgi í Reykjavík

Ágúst:
-Fór í fyrsta sinn á Árbæjarsafn
-Sá Gay Pride gönguna með eigin augum
-Tók þátt í Menningarnótt
-Byrjaði að vinna í IKEA
-uppgötvaði ást mína á frímerkjum
-fékk nýtt klósett :D
-réðst loks á bókalistann og er nánast búin með Catcher in the Rye

Já, kannski gerir maður miklu meira en maður heldur! Reyndar er þessi listi ekkert tæmandi en þetta er svona það sem stendur upp úr í augnablikinu og það sem ég vil minnast.
Efast um að ég nenni að blogga fyrir norðan þannig að góða helgi öll sömul

God only knows (what i'd be without you)

er með þetta Beach boys lag fast í hausnum á mér.. elska það..

Loksins er ég komin með ísskáp en hann er ennþá eitthvað heitur. Frystirinn er tilbúinn hins vegar og er ég búin að heimta matinn úr pössun :)

Sá inni á heimsíðu Sigur Rósar a' þeir eru að fara að spila í Massey Hall í Toronto 19. september en þar sá ég þá einmitt þann 30. október 2002! þegar ég athugaði svo hvaða miðar væru til þá kom upp að það væri laust á gólfinu í sæti 5. Ég sat í sæti fimm fyrir 3 árum. Skrítið hvað stundum virðist heimurinn lítill...
þreytt, búin að panta aðra blóðprufu hjá lækni þegar ég fer norður.. nenni ekki að vera alltaf þreytt...

Ó já, Til hamingju með daginn Anna-Margrét mín - vona að þú hafir það gott úti á La Meridien hótelinu þínu ;)

Skrifborð og nýji listinn

Lööööööng helgi loksins liðin og get ég lagt höfuðið á koddan í kvöld með góðri samvisku.

Menningarnóttinn fór ágætlega fram víst, ég var að vinna meirihluta dagsins þannig að ég naut ekki beint dagskrárinnar fyrr en um hálf tíuleytið þegar ég náði að smokra mér inn á tónleika í Einarssafni hjá þeim Páli Óskari og Moniku. Staldraði nú stutt við því eitthvað voru tárakirtlarnir að stríða mér og ég vildi helst ekki vera grátandi þarna innan um fullt af fólki! Labbaði aðeins um höggmyndagarðinn og fór svo í Hallgrímskirkju þar sem ungir tónlistarmenn voru að spila. Biðröðin upp í turninn var svo löng að ég labbaði bara aftur niður Skólavörðustíginn og kíkti inn í nokkrar búðir á leiðinni en endaði svo heima og sá flugeldasýninguna út um svefnherbergisgluggan hans Guðjóns.

Í dag var eins og borgin væri með smá timburmenn. Útlenskir ferðamenn voru nú á stjái enda þarf eitthvað mikið til að stoppa þá! Flestir héldu sig þó innandyra og þá bæði heima hjá sér og í IKEA þar sem ég mannaði vaktina í Skrifstofuvörunum. Sem dyggur kaupandi og nú starfsmaður hjá fyrirtækinu geri ég mér alveg grein fyrir því hversu leiðinlegt það er þegar hlutirnir eru ekki til og enginn veit hvort þeir komi eftir 4 vikur eða 3 mánuði en er virkilega ástæða til þess að taka út reiði sína á starfsfólkinu þarna? Lenti í nokkrum svæsnum kúnnum í dag sem þurftu á 'chill pill' að halda en náði einhvern veginn að brosa í gegnum þetta allt saman. Hitti Lísu og þekkti hana ekki!! merkilegt hvað fólk getur breyst á þremur árum! Gott að sjá hana samt :)
Ég get nú kannski glatt einhverja með þeim fregnum að IKEA listinn á að fara í umferð seinni part þessarar viku þannig að bíðið þið bara spennt við bréfalúgurnar ykkar!

Er að skríða inn í rúm með Catcher í farteskinu, vonast til að lesa nokkrar blaðsíður áður en ég lognast út af...

af bókalestri og ísskapsleysi - eða konungur einsetunnar

Ég fór að lesa bloggið mitt síðan í maí og þar til dagsins í dag. Það kemur mér alltaf jafn skemmtilega á óvart hvað ég hef í raun skrifað því mér finnst ég alltaf skrifa svo lítið sem máli skiptir. En það skiptir máli fyrir mig. Þess vegna er ég að þessu. Alla, veganna þá fann ég færslu síðan í maí þar sem ég taldi upp 5 bækur sem ég hef alltaf ætlað að lesa en aldrei haft 'tíma' eða verið í 'réttu skapi' fyrir þær. Ég áttaði mig snarlega á að ef ég gæfi mér ekki tíma eða stillti mig inn á skapið þá myndi ég sjálfsagt aldrei drattast til að lesa þær.. nema ef ske kynni að ég lenti inni á spítala í lengri tíma og gæti bara legið á bakinu og klórað mér í nefinu.. hmm já..
Ég fann sem sagt listann yfir þessar bækur og var hann svona:

- Anna Karenina – L. Tolstoj
- Don Kíkóti - Cervantes
- One hundred years of solitude - G.G. Marques
- On the road (Á vegum úti) - J. Kerouac
- The Catcher in the Rye – J.D. Salinger

Fór á borgarbókasafnið eftir vinnu og náði mér í Anna Karenina og Catcher og er byrjuð á þeirri síðari. Hún er styttri og fyndnari og mér fannst líklegra að ég gæfist ekki upp á henni í fyrstu tilraun. Svo finnst mér líka skemmtileg saga bakvið Salinger, hvernig hann kaus að yfirgefa það líf sem hann datt inn í með skrifum sínum og er einn frægasti rithöfundur heims í felum (ef við skiljum Rushdie útundan því come on, hann er nú ekki beint í 'felum').Held ég nái bráðum að strika yfir þessa bók á listanum með góðri samvisku...

Ísskápsleysi heldur áfram að hrella okkur. Fáum ekki annan fyrr en á mánudaginn. Ég er að bilast. En svona er þetta. Næ sem betur fer að geyma mat í vinnunni þannig að ég borða alla vega eitthvað ferskt og kalt á hverjum degi!

Verð að vinna í apótekinu á morgun út af menningarnóttinni í bænum og fer svo í IKEA á sunnudaginn og verð víst í skrifstofudeildinni.
Skrifborð og stólar here I come...

ADSL sjónvarp

Jibbí kóla!
Fékk ADSL sjónvarpsuppsetningu í morgun og sé nú kristaltæra mynd á Rúv og Skjá einum þar sem áður létu 5-6 draugar lausum hala og þegar horft var á CSI eða álíka dökka þætti var óljóst hvað var í gangi sökum lélegra myndgæða!
Já góðu fréttirnar reyna sífellt að yfirgnæfa þær slæmu.. Ég fæ að knúsa systur mína og litla frænda minn Ágúst Óla á afmælisdaginn hans 26. ágúst því mamma mín gerðist svo frábær að lána mér fyrir flugfari heim þá helgina. takk mamma mín! Ætla að eyða sem mestum tíma heima bara hjá þeim og fjölskyldunni - njóta þess að vera í í smá fríi áður en skólinn byrjar...

held áfram að vinna, hlakka til að horfa á tært sjónvarp í kvöld

The white thrown

já ég veit að ég er kannski smekklaus en vá hvað ég elska nýja klósettið mitt! Er búin að prufukeyra og setti meira að segja inn mynd af því og nýju blöndunartækjunum því ég er svo sjúklega ánægð með þetta allt saman! Er að fara að hoppa í sturtuna.. get varla beðið

it can't rain all the time!

María mín reyndis sannspá í gær þegar hún vitnaði í 'the crow' því í morgun birtust tveir píparar heima hjá mér og höfðu með sér ein fallegustu blöndunartæki sem ég hef séð í langan tíma! Eftir mikla reikistefnu varðandi vatnskassann á klósettinu varð niðurstaðan sú að ég fæ nýtt klósett líka!! Á meðan ég sit hérna í vinnunni og pikka þetta inn eru þeir Sölvi og Bjarki (minnir mig) að versla nýja pósturlínsskál handa mér og verða búnir að setja hana upp þegar ég kem heim úr vinnunni. Stundum gerast góðir hlutir líka :D

When it rains...

Já það virðist eitthvað dularfullt karma vera í gangi þessa dagana því það bilar allt í höndunum á okkur Guðjóni. Fyrst gaf klósettið sig (fyrir löööngu síðan) og hefur ekki enn fengið fullnaðar aðstoð frá pípurum; sturtan okkar er frekar löskuð og erum við að bíða eftir fyrrnefndum pípurum til þess að laga blöndunartækin þar. Svo tókum við eftir því að ein hellan á eldavélinni hitnar ekki en það er samt semi í lagi því við notum hana eiginlega aldrei. Svo í gærkvöldi tók nú út fyrir allan þjófabálk þegar ísskápurinn gaf sig! Við héldum í okkar sakleysi að hann væri nú bara svolítið volgur og myndi kólna strax aftur en nei. Þegar við komum heim úr vinnunni var funheitt í skápnum, osturinn orðinn sveittur og majonesin orðin gul. Sem betur fer hékk frystirinn inni aðeins lengur og náðum við að bjarga þeim mat með góðri hjálp Evu systur (takk snúlls :)!

Hvað getur bilað næst? ef tölvan eða þvottavélin gefa sig þá fer ég að grenja. Í alvörunni. Get einhvern veginn ekki séð neitt jákvætt í dag, allt ömurlegt, þreytt, pirruð, illt í maganum.. langar bara að skríða undir sæng og gleyma öllu. Held ég fari í langt bað og skríði svo bara í háttinn.. tek bara upp LOST.. get ekki vakað...

Starfsþjálfun

jammsí!
Byrjaði að vinna í IKEA í gær og held ég hafi bara staðið mig ágætlega. Var sett í Svefnherbergisdeild sem þýðir að ég sel rúm, dýnur, fataskápa, kommóður já og baðherbergisinnréttingar! Í gær mátti ég samt bara elta hina og fá að spreyta mig aðeins á tölvukerfinu ef þau voru við með mér en ég náði samt að aðstoða helling af fólki :) Í dag fæ ég held ég gula pólóbolinn og byrja í tjúttinu! Verð að vinna milli 12-18 ef einhver á leið hjá:D

Vegna þessarar vinnutarnar um helgina hef ég látið lítið fyrir mér fara og sofnað snemma bæði kvöldin. Horfði nú samt á Primal Fear í gær og vá hvað Edward Norton er mikill snillingur. Ég held samt að það séu allir búnir að sjá þessa mynd nema ég þannig að ég var víst að uppgötva snilld löööngu eftir að hún var gerð :)

ágætis veður úti, best að njóta þess áður en ég fer inn í gluggalaust hús í 6 klukkustundir

af frímerkjum og bókalykt

ég þurfti að fara á pósthúsið í dag fyrir vinnuna og þar sem ég stóð í röðinni og beið eftir afgreiðslu var mér litið á nokkra bæklinga sem eru í standi þarna inni. Ég fletti einum sem ber titilinn 'Söluskrá 2005' og inniheldur öll frímerki sem eru í sölu í dag, gömul sem ný og ég fylltist einhvers konar rómantískum hugmyndum um bréfaskrif á bláum pappír í umslögum með köflóttum kanti og orðunum 'Par Avion' í vinstra horninu. Langar núna að setjast niður og skrifa nokkur vel valin orð og senda til vina minna erlendis og jafnvel innanlands.. maður veit aldrei..

Ég fyllist líka þessari tilfinningu þegar ég finn lykt af bókum. Nýjar bækur bera fyrirheit um eitthvað ósnert og er fátt betra en að klæða plastið utan af nýrri kilju og finna hreina pappírslykt blandaða bleki. Gamlar bækur hafa líka að geyma svo miklu meira en bara fróðleikinn sem stendur í þeim. Lyktin segir líka heilmikið um eigendurna; reykja þeir? eru dýr á heimilinu? er sýrustigið búið að vera sveiflukennt þannig að á endunum eru bækurnar þurrar en í miðjunni er ennþá að finna lungamjúkan pappír sem varla hefur séð dagsbirtu. Fólk segir að það eigi aldrei að dæma bók af kápunni - ég dæmi bækur oft eftir lyktinni

af frjálsíþróttum og kaffihúsaferðum

hmm já.. hvað get ég sagt ykkur skemmtilegt? Fór í gær og hitti stelpurnar úr þýðingafræðinni og var þetta fyrsti hittingur með okkur öllum síðan í maí þannig að það þurfti að ræða ýmis mál, s.s. trúlofun Ellu Maju, útgefna þýðingu Maju í Ritinu, blaðaskrif Berglindar í Mogganum, Brennuboltalið Guðrúnar og 11.000 kr hárið á Ólöfu! Mér til mikillar ánægju sögðu þær allar að ég liti ógisslega vel út og væri greinilega búin að leggja af.. jei! It's working people, it's working!

annars er ég voða mikið í afslöppun eitthvað.. er að vinna í handavinnuhrúgunni minni og svei mér þá ef ég er ekki bara að ná að klára nokkur verkefni! Alltaf gott að klára eitthvað sem er búið að velkjast fyrir manni í langan tíma og svo á maður þá líka fallega hluti eða gjafir til að splæsa á fólk til hátíðarbrigða ;) Svo er líka heimsmeistaramót í frjálsum í hinu kalda Helsinki þar sem rignir hundum og köttum (fyndið orðalag samt) og ekki leiðinlegt að horfa á fólk sem er í besta formi lífs síns setja met og eiga heiminn í nokkrar mínútur.

fékk jólalag á heilann um helgina og fór strax að hugsa um jólakort og jólaföndur.. er það ekki samt full snemmt? ég meina, ágúst er ekki einu sinni hálfnaður! kannski er ég farin að aðhyllast hana Mörthu vinkonu of mikið - 'planning is everything'!

The boob test

Ég elska guðrúnu vinkonu því hún er alltaf með svo klikkuð próf.. fannst þetta viðeigandi ;)

Your Boobies' Names Are: Elvis

Get your own Boobie Names

le weekend est fin

Góð helgi!

Á föstudaginn fór ég í innflutnings/kveðjupartý hjá honum Bjössa í Drápuhlíðinni; jú hann flutti inn í nýju íbúðina sína og var síðan að fljúga aftur til Belgíu í dag í mánaðarvinnutörn eða svo. Eins og sjá má á myndasíðunni minni var vel mannað og skemmtu allir sér dável. Náði Bjössi sér í nokkrar góðar innflutningsgjafir og státar meðal annars af nýrri eldhúsvog, handklæðum og rauðvínsflösku :D

Þrátt fyrir góð fyrirheit og aðgát í drykkju náði ég mér í smá þynnku á laugardeginum sem var ekki sem heppilegast því mamma mín kom í heimsókn á laugardaginn og skelltum við Eva systir okkur með henni á Árbæjarsafnið. Eftir að hafa skoðað vel nokkur salernin á safninu náði ég mér að fullu en gleymdi að taka myndir sökum vanlíðan.. enda hafa líklegast flestir farið þarna uppeftir nema ég! En ekki var dagurinn búinn þar sem við þræddum nokkrar vel valdar búðir og græddi ég meðal annars bol og pils ásamt mat á Ruby Tuesday áður en kvöldið endaði með vídeóglápi og nammiáti langt fram á kvöld...

Í dag var svo frekar slæmt veður þannig að við héldum okkur innandyra og þá sérstaklega í Smáralindinni þar sem allt var að verða vitlaust út af útsölulokum. Merkilegt hvaða fólk kemur fram á sjónarsviðið þegar góð verð eru í boði;) Klikkti svo út með frábærum kvöldmat hjá Denna frænda mínum á 10. hæð í Salahverfinu í Kópavogi í faðmi fjölskyldunnar. Allt í allt góð helgi og gaman að fá mömmu í heimsókn :)

ætla að kíkja á myndina um Hitler, ef ég er ekki búin að missa af henni, vonandi höfðu þið það jafn gott um helgina og ég :)

le weekend

jebbs, enn ein helgin að sigla í höfn, bara eftir að vinna í 4 tíma, kíkja í ræktina, klára að skúra íbúðina og þá er þetta klárt :) Mamma er að kíkja í heimsókn um helgina og við ætlum að tjútta upp á Árbæjarsafn og eitthvað fleira skemmtilegt eftir veðri.
Svo er náttlega Gay Pride gangan á morgun kl. 15, hvet alla sem vilja sýna lit að flykkjast niður á laugarveg og fylgjast með herlegheitunum.. Minni líka á að við erum að selja nælur til styrktar Samtökunum í apótekinu mínu (500 kjall) og eru þær að sjálfsögðu í regnbogalitunum :)

Er víst við það að verða of sein í vinnuna þannig að ég hef þetta stutt í dag, lofa góðum pistli um ferðir helgarinnar á morgun og hinn,
góðar stundir

IKEA this couch is comfortable

Góðir hálsar, draumadjobbið mitt féll mér í skaut í dag þegar mér var tilkynnt um að ég væri ráðin í húsgagnadeild IKEA frá og með 1. september en hægt er að sjá preview af mér í gallanum (yeah baby) helgina 13-14 ágúst þar sem ég verð 'in training' :D
vonum bara að það falli ekki ský á dýrðarljóma IKEA sem ég hef byggt upp staðfastlega undanfarin ár...

ágúst

jæja,

Fór í atvinnuviðtal áðan sem gekk held ég bara glimrandi - fæ að vita meira á fimmtudaginn :) Er núna að vinna hálfan daginn í apótekinu og finnst það held ég bara fínt.. gott að vera búin kl. 16 ekki satt?

Gerði mest lítið um helgina nema glápa á alls kyns sjónvarpsefni, föndra, spila tölvuleiki og bölva veðrinu. Í þessum rituðu orðum brýst sólin fram úr skýjunum og skellir nokkrum geislum inn til mín.. ljúft..

og birtan kom og fór

get ekki sofið. ein heima, horfði á himininn dökkna og lokaði augunum. fjórum tímum og talsvert auknu birtustigi síðar sit ég enn og bíð eftir að svefninn komi. ég held að stundum þurfi líkaminn bara að stilla sig af. Ef við sofum alltaf aðeins lengur en við þurfum í raun og veru þá söfnum við á endanum nægri orku til að þurfa ekki að sofa eina nótt.. eða eitthvað.. þetta hljómaði gáfulegra í hausnum á mér...

gott veður úti. loksins komið að reykjavík að fá sinn eina góða veðurdag þessa helgina. spurning hvort ég hafi orku í dag í að gera eitthvað af viti - eða hrynja á sófann um hádegisbilið og ná ekki að standa upp aftur...

hope for the best - prepare for the worst

quietness

það er skrýtin stemmning í reykjavík í dag. Labbaði um hádegisbilið niður á lækjartorg til að taka strætó og þar sem ég labbaði í bankastrætinu mátti heyra ansi mörg tungumál - en enga íslensku. Já, íslendingar eru horfnir úr 101 og reyndar stórum hluta reykjavíkur. Það er pínu skrýtið en að mestu leyti mjög þægilegt þar sem bílaumferð er mun minni um götur borgarinnar og jafnvel smáralind var hálftómleg þar sem ég gekk um og horfði á hina örfáu sem reyndu að næla sér í aukaafslátt á síðustu dögum útsölunnar.

Þar sem veðrið var ekkert sérstakt í dag fór ég nú ekki lengra en þetta og hélt mig að mestu innandyra.. er að bíða eftir matnum sem við pöntuðum,kíki á nýjar myndir af Óskari Smára og vonast eftir betra veðri á morgun...

föstudagur til fjár

Fyrst af öllu vil ég óska þeim er fengu endurgreiðslu frá skattinum til hamingju með daginn! Það er alltaf gaman að fá aukapening - næstum eins og maður hafi fengið þá ókeypis!

Að sama skapi vil ég samhryggjas þeim er þurfa að greiða aukalega í ríkissjóð.. amen.

En nú er helgin víst runnin upp, föstudagur og fínt. Vona samt að það verði ágætt að gera í vinnunni í dag svo tíminn líði hratt og vel! Nenni ekki að vera í rólegri stemmningu í 8 klst. og telja mínúturnar þar til dagurinn er búinn!
Ég hef sem sagt ákveðið að vera í Reykjavík yfir helgina, ætla að taka 'tourist for a day' og reyna að finna eitthvað skemmtilegt myndefni á leiðinni.. held ég verði að vera með lítinn bakpoka til að vera ekta.. er það ekki?

Versló, hjálp hjálp!

ok,

veit einhver um bílfar norður til akureyrar á föstudaginn eftir kl 18:00?? Og kannski til baka á mánudeginum? Endilega látið mig vita því ég er alveg til í að kíkja heim um helgina :)

Pepsi er kominn í heiminn!

Já ég hafði rétt fyrir mér í morgun þegar ég sagði að þetta yrði góður dagur því Eva Stína og Anders eignuðust lítinn strák í dag kl. 17:28 að dönskum staðartíma og hefur hann hlotið nafnið Oskar Smári.
Innilega til hamingju, til lykke Anders, með krúttlegan 53 cm og 3450gr þungan strák!

Lovin' you

Það er gott að byrja daginn á einhverju skemmtilegu og góðu!

Sit heima og hlusta á Lovin' you með Minnie Rippleton en þetta er eitt frábærasta lag sem ég veit um.. hún þarf að punga út einum hæsta tón sem heyrst hefur! Mæli með þessu lagi ef fólk þarf svona pick-me-up.

Sól úti - stefnir í frábæran dag

foggy Mcfog

eftir sólskin síðustu viku hlaut að koma að skuldadögum... búin að sitja inni í þokunni og hlusta á tónlist, þvo þvott og laga til - sem sagt allt það sem maður nennir ekki að gera í góðu veðri..

veðrið stýrir alveg hversu hress maður er... hef tildæmis eitt deginum í dag í algerri rósemd miðað við gærdaginn þegar allt fallega fólkið í nauthólsvíkinni vakti með mér sumarstuð sem ég hef ekki fundið lengi! Er líka komin með nýja uppáhaldslykt.. það er sólarvörn + brúnkulykt + útilykt og smá dass af heilbrigðum svita (ekki illaþefjandi). V. nice.

Leit annars yfir bókahilluna mína í dag og sá nokkrar bækur með bókamerki einhvers staðar í miðjunni.. held ég verði að klára eitthvað af þessum bókum og dró því fram The Colony of Unrequited Dreams eftir Wayne Johnston (kanada) en hún fjallar í stuttu máli um mann og konu sem tengjast beint og óbeint róstursamri sögu Nýfundnalands... Jeramy gaf mér hana og ég held ég verði að klára hana ef hann er eitthvað á leiðinni til landsins, hehe.

jæja, taka úr vélinni, borða og sofa svo vel og lengi..

setti inn 4 myndir úr nauthólsvík.. sjúkt veður í dag!

Rosemary, heaven restores you in life

Sit heima, hlusta á Interpol og hugsa um hvernig hægt sé að búa til svona góða tónlist?
Frestaði Viðeyjarferðinni minni aðeins - fer bara næstu helgi í staðinn. Hef verið að melta Potterinn síðan ég kláraði hann.. held ég verði að lesa hana aftur eftir svona mánuð til að gera mér fulla grein fyrir henni því það er margt útskýrt en svo opnar Rowling líka fullt af dyrum sem hún er ekkert að loka aftur á eftir sér.. veit bara það að síðasta bókin verður örugglega erfið í skrifum - hvað þá lestri.

Sumarblíðan hérna á svölunum er frábær.. ligg og reyni að krækja mér í svona hint og a tint en nenni samt ekki að vera leðurfés heldur :)

vona að þið hafið það gott.. kannski fer ég í nauthólsvík á eftir? hver veit, hver veit...

búin

kláraði Potter rétt áðan. Vil ekki tala um hana hér þar sem enn eru margir sem ekki hafa náð að klára hana.. en það má sem sagt ræða við um hana á Msn :)

afsakið mig umheimur

en Harry Potter var að koma í póstinum... verð ekki til viðtals fyrr en henni er lokið.. skiljið eftir skilaboð ef eitthvað er ;)

...og Esjan á ný

já það er satt.. ég og María Erla gengum aftur á Esjuna í kvöld!
Hún kom með þessa líka snilldarhugmynd.. að labba einu sinni í viku, alltaf í klukkutíma og sjá hversu mikið þolið eykst í hvert skipti! Við komumst einni hæð lengra en fyrir tveimur vikum á jafnlöngum tíma og ætlum að reyna að fara á næstu hæð eftir viku!
Auðvitað mundi ég eftir myndavélinni núna og setti inn 5 nýjar myndir af því tilefni (reyndar allar af Maríu eða landslagi :) þannig að þið getið dæmt um gott veður og svona.. við vorum alla veganna að stikna!

Held ég skelli mér bara í bólið, það tekur ágætlega á að labba fjöll...

skipulagning

Vaknaði í morgun og var einhvern veginn full af orku! Hef ákveðið að taka fyrsta "tourist for a day" næsta laugardag og er strax byrjuð að plana! :) Eftir mikla googlun og verðkönnun hef ég ákveðið að fara út í Viðey og þar sem fyrsta ferð er ekki fyrr en kl. 13:00 hef ég jafnvel viðkomu í Fjölskyldu og húsdýragarðinum til að kíkja á þetta parísarhjól...
Hafi einhver áhuga á að fara með mér má alltaf íhuga það ;)

Held ég hafi samt skemmt eitthvað í vinstri hendinni í gær í ræktinni.. erum búin að vera að gera ansi miklar þríhöfðaæfingar síðustu 3 skipti eða svo og mér er illt í olnboganum og öllum vöðvanum.. virkar ekki eins og strengir heldur eitthvað miklu miklu meira... get nú samt varla neitað því að mér finnst glitta í félaga hans tvíhöfðann þegar ég spenni hendina.. flott að sjá vöðva rísa upp úr sínu verndaða umhverfi,þ.e.e fitulaginu ;)

jæja, enn einn sólardagurinn runninn upp.. maður fer bara að venjast þessu, ha?

píparar, sólskin og líkamsrækt

Jæja.. langaði ekkert að blogga í gær og fyrradag en best að láta eitthvað flakka núna!
Á föstudaginn fenguð við loksins pípara til að kíkja á klósettkassann okkar og náðu þeir nokkurn veginn að laga hann en samt ekki.. þeir koma víst aftur eftir helgina til að græja sturtuna okkar þannig að maður verður bara að vera þolinmóður þangað til... Það glitti í ágætis veður þann daginn en í gær var rigning rigning rigning..
Fór í ræktina í einn svakalegasta tíma sem kenndur hefur verið (ein pían í hópnum gékk út sökum svima og blóðsykurfalls) og sit ég núna á sárþjáðum vöðvum sem náðu þó að klára allt sem átti að gera :)
Þrátt fyrir mikla rigningu var ágætlega heitt og var hægt að hafa opið út mest allan daginn; sat aðallega og prjónaði, las í Potter og horfði svo á mynd á Rúv um leiðangur til Mars..stuð.

Í dag hins vegar er frábært veður! Ég notaði tækifærið og lagðist í alvöru sólbað út á svairnar mínar í um klukkutíma (þoli illa mikinn hita) og held svei mér þá að ég hafi náð mér í fleiri freknur á nefið! Nú þegar ský dregur fyrir sólu held ég að ég lagi aðeins betur til hérna.. merkilegt hvað ryk sést alltaf betur þegar veðrið verður gott og mann langar til að gera ALLT annað en laga til... böl, böl..

Do mine eyes deceive me?

vaknaði í morgun, þurfti að blikka augunum nokkrum sinnum þegar ég sá að herbergið mitt var uppljómaðra en venjulega.. gleymdi ég að slökkva ljósin aftur?? En neeeeeiiii.. það var SÓL úti!! Langt síðan við sáumst síðast kella!

Ég hef sem sagt verið að hugsa um þá ákvörðun mína að búa í Reykjavík í sumar.. hvort hún hafi verið rétt eða hvort rigning skipti engu máli.. sé svo stór hluti af Íslandi... En, ég nenni ekki endalausri rigningu og fagna því komu sólarinnar, þó hún stansi kannski stutt í þetta sinn..

fann annars linkinn á fyndnustu flash mynd ever! sá hana fyrir löngu síðan, tapaði linknum en fann hann aftur! smellið hér ef þið viljið sjá heimsendi:)

jæja, í vinnuna.. vona að ég verði ekki rænd

hell of a way to end a partnership

já, klassa setning, sjúklega flott!
Fór sem sagt á Sin City í gær og verð að viðurkenna að ég skemmti mér konunglega! Svolítið brútal á köflum, en ég meina hey er það ekki bara fínt?
Ógeðslega flott myndataka, geðveikt innsetning á grafíkinni, klikkaðir búningar þannig að ég mæli hiiiiklaust með henni!

næringarfræði

ok.. fór í gærkvöldið á fyrirlestur tengdum námskeiðinu mínu í hreyfingu, og snérist þessi fundur sem sagt um næringarfræði. Ólafur G. Sæmundsson mætti sem sagt og skellti staðreyndunum fram alveg hægri vinstri og það merkilega var að maður hafði ekki heyrt þetta allt saman áður. Ég skemmti mér alveg stórvel og vona að þetta breyti ýmsu...

Það er búið að rigna svo mikið og leiðinlega hérna síðustu daga að ég hef varla nennt að anda! Sat heima á sunnudaginn og föndraði, hringdi í Evu Stínu (alveg að koma barn) og glápti með öðru auganu á sjónvarpið.. ekki beint veður til gönguferða þann daginn!

er núna í vinnunni, ætla á Sin City í kvöld og War of the Worlds á sunnudaginn... olræt olræt...

heimavið

ahh jæja,
er loksins búin að hafa mig í að laga myndirnar á myndasíðunni minni og skrifa um þær líka! svo stal ég 3 myndum af henni Maríu Erlu úr Esjugöngunni svona til að byrja á nýju albúmi sem ber heitið 'Reykjavíkursumar' og mun væntanlega verða fullt af myndum á endanum! Tók því ósköp rólega í dag ef frá er talin ræktin kl 9 í morgun.. er samt ekki enn komin með strengi þannig að þetta er rétt sem þeir segja.. þetta tekur bara eina viku :D

Er ein heima í augnablikinu þar sem Hanny, vinkona Guðjóns er farin áfram til Bretlands eftir nokkra daga heimsókn hjá okkur og Guðjón skellti sér norður á ættarmót. Sit því hér við tölvuna frekar fáklædd og nenni varla að kveikja nein ljós - gott að labba um berfættur...

Ætla mér í göngutúr og kíkk á bókasafnið á morgun, hver veit nema myndavélin verði við höndina ef veðrið verður gott? Safnadagurinn og svona, ekki slæmt, ekki slæmt...

hugarfar - málfar- koddafar

vaknaði harkalega í morgun og hélt að klukkan væri hálf tíu og ég að verða of sein í vinnuna..skíthrædd um að mæta með koddafar á kinninni og ógreitt hár þannig að aldrei hef ég verið eins fljót að borða, bursta og greiða mér á ævinni.. settist svo aðeins niður og leit betur á klukkuna.. hún var rétt rúmlega 8. grrrr.. lagðist upp í sófa og gluggaði í Potterinn minn - bækur 4 og 5 svona sem undirbúning undir þá sjöttu...

Lenti annars í frekar dónalegri konu í vinnunni í dag. Ég veit að hún vinnur í fyrirtæki í grenndinni þar sem hún er sjálf í þjónustustarfi og ætti því að skilja hvernig hlutirnir ganga fyrir sig - en nei. Fyrst var hún með læti yfir verðlaginu, síðan vildi hún að ég næði í allt fyrir hana og þegar kom að því að skanna og borga allt þá dró hún upp símann og gerði sig líklega til að hringja í einhvern.. ég verð að viðurkenna að ég var ekki beint að reyna að vera pen þegar ég skellti framan í hana setningunni "Viltu að ég afgreiði þig eða ekki?"
Auðvitað roðnaði pían upp í hárrót og þrykkti símanum í töskuna, borgaði og yfirgaf pleisið án þess að segja neitt. 1-0 fyrir mér.

kíkti á síðuna hennar Maríu Erlu og sá að hún er búin að setja inn Esjumyndir.. sökum þess að ég var með svona headband þá lít ég út eins og feitur súmóglímukappi á mörgum þeirra.. kennum alla vega bandinu um í þetta skiptið...
weekend, weekend, weekend i love it, olræt og át....

orð

hvað er hægt að segja?
Sat í dag með kökk í hálsinum þegar ég heyrði fréttir af árásunum í London.. það er eitthvað svo hrikalegt við atburði sem virðast svo fjarri manni en þó svo nærri..

deyfð, sorg, reiði, hræðsla... vona að það verði ekki fleiri sprengingar

Fjallgangan

vááááááááááááááááá!
Það er ekki annað hægt að segja en Vá! yfir því hversu gott veður við fengum í gær, þegar ég og María Erla, ásamt systur hennar Möggu og vinkonunni Birgittu réðumst á Esjuna ásamt 40 öðrum úr félaginu Krafti. Við gerðum okkur fulla grein fyrir því að við myndum eflaust vera aftastar og jafnvel aldrei ná alla leið upp á topp, en við héldum samt ótrauðar áfram! Á endanum náðum við að "Steini", hnullungi sem er í raun síðasta stopp áður en gengið er í hamrabeltinu (sögðu frægir menn). Útsýnið þarna uppi er náttúrulega frábært, sáum alveg yfir Reykjavík, Mosfellsdalinn og hinum megin við Langatanga (minnir mig) þannig að þetta var alveg Kodak moment.. en ég gleymdi myndavélinni minni :( Sem betur fer stóðu stelpurnar sig vel í myndatökunni og ætlar María mín að senda mér einhverjar myndir sem ég get sett inn á myndasíðuna mína.. Eftir hraða niðurgöngu (sökum þoku) og smá byltu Maríu, þá rúlluðum við í bæinn um 11 leytið, 4 tímum eftir að við lögðum af stað..

Það er nú líka skemmtilegt að segja frá því að á meðan við mörðum þetta að labba upp að Steini var hópur manna (og held 1 kona) sem hljóp - já ég sagði hljóp - upp og niður Esjuna 3svar sinnum.. hmm. tók okkur smá tíma og nokkrar manneskjur að komast að því að þetta fólk er að fara á Grænlandsjökul að taka þátt í Arctic Challenge og undirbýr sig með því að hjóla fyrst 20 kílómetra, hlaupa svo upp og niður Esjuna (einu sinni alla leið, hin 2 skiptin upp að Steini)og hjóla svo 20 kílómetra tilbaka.. Tókum sérstaklega eftir honum Edda, en hann var vel merktur á afturendanum sem við sáum nokkrum sinnum skokka framhjá okkur...

Alveg merkilegt samt, þá er ég ekki með strengi í dag - örlítið þreytt, en ekki með strengi. Mæti í annað skiptið í gymmið eftir vinnu í dag og get montað mig af þessu afreki mínu...

Ég held að þessi ganga flokkist alveg sem aukamæting í ræktina...

plíng-plíng-ploinks-plokks-plíng

ég er með strengi.
Ég byrjaði sem sagt í gymminu í gær og held barasta að þetta verði frábært.. ótrúlega hress pían sem er að kenna þarna og skemmtileg blanda af kvinnum. Horfði svo að sjálfsögðu á Lost í gær.. *hrollur*.. fæ alltaf svona nettan kuldahroll í endan á þáttunum þegar eitthvað óvænt gerist.. hlakka til næsta mánudags!

Í kvöld ætla ég svo að labba Esjuna með Maríu Erlu og verður athyglisvert að sjá hversu hátt við komumst ;)

why bother with clueless peeps?

Hversu frábært er að Live 8 tónleikarnir í Kanada voru í Barrie í Ontario? Enginn flottari en Brian Adams, þjóðarstolt (hehehe) ásamt Celine Dion alveg að meika það í LV.. flott, flott..

Gleymdi að segja frá verslunarleiðangri okkar Guðjóns í gær.. Þar sem við fengum útborgað eins og flest allir aðrir á föstudeginum ákváðum við að ekki væri nú verra að eyða einhverjum af þessum péningum og lögðum því í svaka reisu í gær. Fyrst ætluðum við bara í 4-5 búðir en áður en við vissum af var bílinn orðinn fullur af dóti og klukkan að verða 4.. man núna hvernig þetta var þegar maður var lítill og fór með foreldrunum til reykjavíkur og nánast allur tíminn fór annað hvort í búðarferðir eða kaffiboð hjá ættingjum...

Helgin er að rúlla inn í síðustu klukkutímana, er á leiðinni í Hafnarfjörðinn í heimsókn til hennar Tótu ásamt Fríðu og vonandi Maríu Erlu... á von á góðum veitingum...

www.live8live.com

vá.

þvílík tónlistarveisla.. þvílík samstaða.. eins og þeir sem lesa bloggið mitt vita þá hef ég sérstakt dálæti á samstöðu og fagna því ávallt þegar hún er sýnd í verki - til góðs. Hef haft kveikt á sjónvarpinu í allan dag og varla misst af neinum.. fannst ótrúlegt þegar Mandela steig á svið, Desmond Tutu, stelpan sem hefði dáið fyrir 20 árum ef tónleikarnir þá hefðu ekki orðið að veruleika..
kannski finnst sumum þetta væmið - ekki mér.

hvet alla til að skrifa nafn sitt á heimasíðunni þeirra

It's friday... but am I in love?

Í dag er 'Canada Day', þjóðhátíðardagur þeirra manna.. ég skála fyrir þeim og hugsa um Alexander Keith's bjórinn....mmmm....mmmm...mmm..mmm...mmm....

Loksins er komin helgin langþráða, fyrsta sumarhelgin í Reykjavík, útborgunardagur og the works bara! fátt til að vera fúll yfir svo maður brosir bara og heldur ótrauður út í fyrstu sólarglætuna í langan tíma...

fékk samt smá skammt af endurvarpi í gær þar sem Ben, gamli kærastinn minn var staddur á landinu og vildi endilega hitta mig. held ég hefði kannski átt að sleppa því.. veit samt ekki.. var frekar skrýtið að hlusta á sögur af kennarastarfi í Albaníu og lenda hálfpartinn í fyrirlestri um það hvað ég væri vitlaus og vissi í raun lítið um heiminn.. þarf ekki svoleiðis kennslu frá bandaríkjamanni, takk fyrir takk!

hlakka til að njóta helgarinnar, ætla að skola af mér rykið og ilmvatnslyktina úr apótekinu og njóta þess að ganga um íbúðina berfætt og á náttbuxum...

mynda(r)legt

jæja,
loksins er ég búin að setja upp myndir! jeij! hér vinstra megin er tengill merktur 'myndirnar mínar' og má þar berja augum snilldarkvöldið 16. júní ásamt handahófskenndum myndum frá akureyri.. fleiri myndir munu síðan birtast þegar ég er ekki svona þreytt og pirruð..gleymdi nefnilega að snúa sumum myndunum.. úrbætur koma með betra skapi

þreytt, svöng, kalt og með hausverk... bara 2 dagar í helgina

this is not the fat of now - this is the fat of another existence

þessa snilldarsetningu má finna í Absolutely Fabulous myndinni The Last Shout, þar sem Saffron ætlar að gifta sig..
Hef ákveðið að taka upp þessa möntru og hef skráð mig í ræktina frá og með næsta mánudegi! hlakka mikið til að sjá hversu mikla strengi ég verð með fyrstu vikurnar.. yum.

er að vinna í því að setja inn myndir í tölvuna og er búin að redda mér aðgangi á Fotki þannig að nú vonandi verður kominn inn tengill á hana ekki seinna en annað kvöld..

skrýtið hvað maður er fljótur að komast í gírinn með suma hluti en aðra ekki. Tók mig ekki langan tíma að versla í matinn, fara að elda á hverjum degi aftur og svoleiðis en rosalega er eitthvað erfitt að finna stað fyrir allt dótið mitt.. þetta hlýtur þó að hafa komist fyrir áður en ég fór norður.. hmm, verð að leggja hausinn í bleyti og hugsa þetta allt saman..

Adjessell

HÚRRA FYRIR MÉR!

er komin í þokkalega gott ADSL samband hérna í íbúðinni minni.. sit við fallegu tölvuna mína, opið út á svalir, guðjón að sauma og bara fínt..
Ferðin suður gékk sem sagt vel, flugið var rock solid, varla hristingur né pomp til að ræða. Gat samt ekki sofnað þegar ég var loksins komin upp í rúm og var þar af leiðandi sjúklega þreytt í vinnunni í dag.. sem betur fer var ekki mikið að gera :)

fínt að vera komin aftur suður þó svo að það verði skrýtið að hitta ekki restina af fjölskyldunni á hverjum degi eins og áður var.. hef mörg og mikil plön fyrir afgang sumarsins hérna í höfuðborginni, meira að segja verkefni sem ég kýs að kalla "tourist for the day" og skýrir sig eiginlega sjálft :)

ætla í bað, reyna að slappa af, er allt of spennt eitthvað..

farewell my love..

jæja,

held suður á bóginn eftir örfáa klukkutíma og kveð þar með mitt 'home away from home'.. eða er það heimilið mitt í reykjavík? Orðið erfitt að greina á milli hvað er heima og hvað er 'heima'. en hvað um það...

sérstakar afmæliskveðjur til Elvars Knúts - takk fyrir gott partý í gær -

veit ekki hversu sterkir hæfileikar mínir eru til þess að setja upp ADSL tenginguna mína þannig að ef ég er ekki á netinu næstu daga þá hef ég sem sagt klúðrað einhverju..

farewell, adjou, auf wiedersehen, goodbye...

réttið upp hönd...

... ef þið vissuð að það er ísbíll á Akureyri!?!?! Ég komst að þessu í dag þegar ég kom heim af Subway (matarleiðangur) og móðir mín sagði að ísbíllinn hefði komið og lagt fyrir framan húsið okkar. "Ísbíll?" sagði ég. "Já, ísbíllinn sem keyrir um bæinn og fer í sveitina og meira að segja í vaglaskóg og svona".. Halló?!? það hafði algjörlega gleymst að segja mér frá þessu!
Þessi bíll lagði sem sagt beint fyrir framan húsið mitt og dinglaði, svona eins og ekta ísbíll... ég hefði dreeepið fyrir að sjá hann! nú hef ég aðeins 2 daga til að finna út leiðina sem hann keyrir og reyna að ná mynd af honum!!


og kannski versla af honum líka :P

310 London street

annað slagið þá hugsa ég ansi mikið um Kanada og þá mánuði sem ég var þar.. það fyndna er að það er ekki alltaf sömu hlutirnir sem ég hugsa um heldur rifjast oft upp smáatriði sem ég hélt ég væri búin að gleyma. Eins og nöfnunum á stöðunum sem ég fór á

Price Chopper var stórmarkaður rétt hjá okkur, svona bónus þeirra manna. þar keypti ég oft Lay's ketchup chips og National Enquirer og tölti svo heim yfir snjóskafla og ísilagðar gangstéttir.

The Night Kitchen var pínulítill pizzastaður, varla stærri en hjólhýsi og þú vissir aldrei hvernig pizza var til því þeir bökuðu bara úr því sem þeir áttu til þann og þann daginn. þeir áttu í harðri samkeppni við Pizza Pizza því þeir seldu 2 sneiðar og kókdós á sama verði og ein sneið hjá TNK.

The Trasheteria alltaf kallað bara the trash). skemmtistaður í 2ja hæða gömlu húsi í miðbænum. Á neðri hæðinni var dj en uppi voru pönkhljómsveitir og svona local talent. hélt upp á afmælið mitt þarna.. dansaði við Beastie Boys..

The Only. Hinn barinn þar sem við fórum oft. Eini barinn í Peterborough þar sem mátti reykja inni. svona sitjubar með ekta gömlu barborði og skrýtnu fólki inn á milli. Allir veggirnir voru þaktir innrömmuðum myndum af frægu fólki - allt frá Bítlunum til Einstein, Hendrix til Hemingway. Einu sinni á ári er haldin keppni þar sem fólk fær tækifæri til að giska á hverjir eru á öllum myndunum. Ennþá hefur enginn unnið.

The Montréal House (ávallt kallað The MoHo) Á hverjum miðvikudegi spilaði hljómsveit þar sem heitir The Silver Hearts. 10 einstaklingar sem spiluðu á píanó, fiðlu, flautu, básúnu og alls kyns hljóðfæri. Svona Tom Waits/New Orleans/blús/jazz fílíngur. Kanna af bjór á 9 dollara, ókeypis hnetur á öllum borðum - skurnin á gólfinu.

stundum sakna ég þess..

flesta daga hugsa ég bara um hversu heppin ég var að fá að upplifa þetta allt saman.

breyting

bætti inn nýjum tenglum hér til vinstri, check-check-check-check-check a check it out...

bamboocha.. eða hvað?

fékk niðurstöður blóðrannsókna áðan og það er víst ekkert að mér.. nema kannski skjaldkirtlinum.. á að koma í aðra prufu í byrjun september til að sjá hvort þetta var bara eitthvað tímabundið eða ekki en ég var víst eitthvað fyrir utan eðlileg mörk. nenni varla að hafa áhyggjur af þessu fyrr en þá en ég er samt ennþá með smá svima. held ég skelli mér bara í göngutúr til að reyna að bæta úr þessu..

haltur leiðir blindan

já fólk er ótrúlegt!
mundi eftir þessu þrekvirki í dag og kíkti á heimasíðu strákanna áðan. Mæli með að sem flestir fylgist með þeim!!

fylgdist líka með feita fólkinu á s1 áðan..veit ekki hversu langt raunveruleikasjónvarp á að ganga en jújú, þetta er svaka dugnaður í þessu fólki.. ef ég á samt að vera alveg hreinskilin þá verð ég bara svöng við að horfa á þetta!! er að borða brynjuís as i pick!! hehehe

bara nokkrir dagar þar til ég kem suður aftur þannig að þið getið farið að bóka hitting með mér hvað á hverju ;)

the motorcade

ok,
flottir 14 ökumenn formúlu 1 sem ákváðu að keppa ekki vegna deilna um dekkjaskipti! Keppnin reyndist lítilfjörleg með aðeins 6 bílum og voru ferrari menn frekar sauðslegir á svipinn á pallinum og blaðamannafundinum en þeir náðu þó að vinna og ná í nokkur stig - hvort sem þau voru ódýr eða ekki...

góð helgi er að baki, náði að slappa af í bústaðnum í nótt og er nú loksins búin að hvílast nóg til að takast á við síðustu vinnuvikuna mína hérna á akureyri. fer til læknis á morgun út af svimaköstum sem eru búin að gera mér lífið leitt undanfarið, örugglega bara járn eða blóðskortur..

sjáum til, sjáum til...

came and went again

já, þá er 17, júní víst búinn þetta árið..
Ég skemmti mér konunglega í höllinni á 16. júní (sumir myndu segja of vel) og uppskar örlitla timburmenn þess vegna í gær og var mestpartinn undir sæng og glápri á sjónvarp. Sá einmitt þátt á Stöð 2 sem ég hlæ alltaf að út af titlinum - "vinur litla mannsins" er sem sagt "the guardian".. Finnst þetta alveg frábært...

Er á leiðinni í vinnuna en á svo aftur frí á morgun.. held ég fari í bústað með fjölskyldunni og grilli eitthvað gott..

16. júní - 5 ára stúdent :)

jæja.. í öllum leiðindum undanfarna daga hef ég að sjálfsögðu gleymt að minnast á þá staðreynd að á morgun er ég 5 ára stúdent úr MA og verður stuð stuð stuð í kvöld til að halda upp á þetta allt saman!!
Í gær var haldið bekkjarpartý hjá 4AB heima hjá Önnu Eyfjörð og var frekar vel mætt (allt stelpur) og náðum við að segja frá því hvað við höfum verið að bauka undanfarin 5 ár áður en við skunduðum niður á Café Amor þar sem allir bekkirnir voru mættir til að tjútta eitthvað fram á kvöld..
Gaman að sjá sum anditin, fyndið að sjá hvað sumir höfðu ekkert breyst (hvorki útliti né framkomu) og enn fyndnara að sjá fólk sem rambaði þarna inn og vissi ekki hvað var að gerast..

Í kvöld er svo stefnan tekin á Höllina, þar sem BauTinn mun reiða fram sitt klassíska moðsteikta lambakjöt með öllu tilheyrandi og svo er tjútt með í svörtum fötum laaaaaaaaaaaangt fram á nótt.. vona að þetta takist jafnvel og 1. árs stúdentsafmælið mitt :D

hafiði það þrusugott, í dag og á morgun, sjálfan þjóðhátíðardaginn - ef ég er ekki of timbruð ætla ég í skrúðgöngu með fána og tilheyrandi

p.s. ég setti inn nýjan link á pepsi, tilvonandi barn vinkonu minnar :)

you win some, you lose some

síðustu daga hef ég verið að bíða... bíða eftir því að fá símtal um nýja vinnu.. í dag kom símtal sem bar þær fréttir að það væri búið að ráða í starfið.. better luck next time, eh?

Þrátt fyrir að hafa einungis verið hóflega bjartsýn þá er alltaf leiðinlegt þegar maður heyrir neitunina.. en ég stend bara upp og reyni aftur. Maður verður víst að læra að detta til þess að vita hvað það er gott að standa.. eða eitthvað :)

er líka eitthvað niðurdregin þessa dagana, finnst eins og svo margt sé ekki að ganga upp hjá mér en ég reyni þá bara að muna að það er allt í lagi og í það minnsta hef ég alltaf gott fólk í kringum mig til að minna mig á góðu hlutina..

framtíðin

hef mikið verið að hugsa um framtíðina undanfarna daga. Ekki endilega langtímaframtíð heldur bara út þetta ár til að byrja með. Langar í breytingar, langar í byrjun á einhverju nýju sem síðar verður að einhverju frábæru. Er eiginlega föst á milli þess að vilja eitthvað fyrir mig en vilja samt ekki gera öðrum erfitt fyrir á sama tíma.. Auðvitað vill maður stundum detta inn í eigingirni og hugsa bara um það sem kemur sér vel fyrir mann sjálfan en svo tekur samviskan við.. hmm tricky, very tricky...

i should coco

eftir stanga 11 daga vinnu"viku" er ég loksins komin í frí.. alla vega í 1 dag! Er svo þreytt að ég gæti sofið í heilan sólarhring og samt verið þreytt en ég harka þetta af mér og ætla í dinner hjá Hólmari á eftir og vonandi kíkja í bjór á kaffi Amor...

ætla líka að kveðja bjössa en hann er að flytja til belgíu á mánudaginn..

Button minn er á ráspól fyrir kepnina í Kanada á morgun, Coldplay í spilaranum, vatnsmelóna á borðinu safarík og með glás af steinum...

with your feet in the air and your head on the ground

þrátt fyrir að hafa splæst í tvo diska á jafnmörgum dögum tókst mér að fá þetta snilldar pixies lag á heilann í dag.. ekki það að það sé slæmt en það vekur upp minningar sem eru góðar og slæmar í bland.. nenni ekki nostalgíu núna.. horfa fram á veginn..

en já, ég keypti sem sagt líka diskinn með Hildi Völu og ég er bara býsna sátt.. óumdeilanlegt að hún kann að syngja og er með fallega rödd.. er alveg að fíla þessi coverlög sem hún tók...

en annars er ég strax búin að ánetjast einu laginu á coldplay disknum, lét textann fylgja í gær.. afskaplega fallegt og hverjum hefur ekki liðið svona? mæli með að þið hlustið á það, það er meira að segja hægt að hlusta á brot úr lögunum inn á heimasíðunni þeirra

er á leiðinni í bíó, tjus tjus

When you try your best, but you don't succeed
When you get what you want, but not what you need
When you feel so tired, but you can't sleep
Stuck in reverse
When the tears come streaming down your face
When you lose something you can't replace
When you love someone, but it goes to waste
Could it be worse?

Lights will guide you home
And ignite your bones
And I will try to fix you

High up above or down below
When you too in love to let it go
If you never try you'll never know
Just watch and learn

Lights will guide you home
And ignite your bones
And I will try to fix you

(Coldplay, Fix you, X&Y)

X & Y

ok, er LOST að verða way creepy eða hvað?!?
Horfði sem sagt á þáttinn í gær og fylltist skelfingu.. vil samt ekki gefast upp og lesa eða ná mér í þættina og ég bið fólk sem hefur klárað syrpuna að hafa hemil á sér, takk fyrir takk!
Helgin fór í vinnu og að borða Lay's ketchup chips, glápa á miður gott sjónvarpsefni og chilla... Er svo búin að fá meiri vinnu næstu 2 vikurnar þannig að þetta er allt að koma...

Keypti mér x&y með Coldplay í dag.. hann er schnilld og ekkert nema.. svona klassísktur coldplay með þrusunýju ívafi.. i like, i like..

19 dagar þar til ég fer aftur suður, tæpar 6 vikur í Harry Potter, lífið er gott

the kissing game

datt í hug að deila þessu með ykkur...

Part Playful Kisser

Kissing is a huge game for you, a way to flirt and play You're the first one to suggest playing spin the bottle at a party Or you'll go for the wild kiss during a game of truth or dare And you're up for kissing any sexy stranger if the mood is right!

Part Expert Kisser

You're a kissing pro, but it's all about quality and not quantity You've perfected your kissing technique and can knock anyone's socks off And you're adaptable, giving each partner what they crave When it comes down to it, your kisses are truly unforgettable

What Kind of Kisser Are You?

það er til guð...

... því í dag fékk ég LAYS FLÖGUR MEÐ TÓMATSÓSUBRAGÐI!!!. Þennan dýrindismat hef ég ekki fengið í 2 ár (já 2!!) þar sem að þessi matur hefur hingað til takmarkast við hitt heimalandið mitt, Kanada! Takk Ingibjörg fyrir að blogga um crisps í morgun og takk takk, tusund tak Bjössi fyrir að fatta að þessar flögur væru nú fáanlegar í Nettó (styrkja mína heimabyggð)!!

Ég skora hér með á alla að drífa sig í næstu Nettó búð og kaupa sér Lays Ketchup chips og láta bragðlaukana njóta dásemdar lífsins...

TGITW

úúúúuúúúffff... loksins komin helgi... en ég er reyndar að vinna báða dagana á torginu.. hmm.. o jæja, það er alla vega helgi, leiðinlegt sjóvarpsefni og lítið annað hægt að gera en leggjast bara í bólið og reyna að ná almennilegum svefni...
Horfði samt á frekar fyndinn þátt að Það var lagið með Hemma gunn áðan. tveir óperusöngvarar sem stálu þættinum gjörsamlega. snilld.

held ég sé að fara í teiti til Homie á morgun til að fagna Viðskiptafræðingsgráðunni hans og hver veit nema maður tjútti eitthvað fram á nótt...

péningar

vá.. ég hefði kannski átt að blogga minna um péninga og að hlægja alla leið í bankann, ahemm... Eins og flestir tóku eftir var 1. júní í gær og hjá mörgum útborgunardagur. Þar sem ég er búin að vera í láglaunastarfi í allan vetur sá ég loksins fram á mannsæmandi útborgun og beið spennt allan daginn eftir að ég fengi sms í símann um að laun hefðu verið lögð inn á reikninginn.. ég beið.. og beið.. og beið.. því miður beið ég of lengi því ég fékk ekki launin! ég hló ekki. Það tók svo 2 símtöl og mikið klór í hausnum að finna út úr þessu en loksins komu launin inn á reikninginn. en ég gat ekki tekið út og engin innistæða.. hmm *hux hux*. jújú, yfirdrátturinn féll um morguninn og ég hafði gleymt að endurnýja hann. ég hló ekki heldur þá.
1 símtali seinna og mikilli þolinmæði átti ég loksins péninga...

merkilegt samt að þurfa bara að hringja til að redda málunum.. segir manni að það sé ennþá til gott fólk sem nennir að hlusta á mann..

dofin í framan

ok, fór til tannlæknis í gær. Það er nú svo sem ekki í frásögu færandi nema vegna þess að ég þurfti að láta laga fyllingu sem hafði losnað og svo var eitthvað annað sem hann vildi kíkja á. Nú, ég er ekki hress með deyfingar en veit að annars er þetta drullu sárt þannig að ég lét mig hafa það að hann þrusaði nálinni í efri góminn þannig að ég var dofin upp á nef svo eins og hálft andlitið. En svo tók verra við. Hann þurfti nefnilega að deyfa svo hinum megin NIÐRI þannig að þeim megin var ég dofin í kjálkanum, hálfri tungunni og vörinni. Ég gat ekki blístrað, ekki kyngt almennilega, ekki drukkið né borðað neitt og leið eins og ég gæti ekki almennilega andað vegna þess að tungan væri svo bólgin!
Á endanum slapp ég þó úr prísundinni, labbaði heim hálfvönkuð, horfði á Lost og sofnaði svo.

held ég ætli að taka því mjög rólega í kvöld, lesa áfram í Rigning í nóvember og kíkja svo aftur á bókasafnið á morgun...

brynjuís

mmmmmmmmmm fór í gær með stelpunum og fékk mér ekta brynjuís með nammi (aka Bragðaref) og svo í spjall og slúður langt fram eftir kvöldi.. frábært alveg.

Ég vil líka þakka góð viðbrögð við prófinu mínu :) hæsta skorið var 70% og var það Anna sem náði þvi, congrats! Ég held að það komist ekki fleiri að, alla vega á highscore kortið en þið verðið þá bara að segja mér hvað þið fenguð:)
Nokkrir spurðu mig hvort ég hefði í alvörunni fótbrotnað á snjóþotu og já, í skátagilinu. Ég var reyndar að stoppa mig með því að setja fótinn út og lenti á ljósastaur. ristarbrotnaði. það var ekki gott.

Á morgun byrja ég að vinna á torginu frá 9-18:30 þannig að happy days are over, síðasti frídagurinn minn í dag þar til 12 júní held ég, en það er í lagi því ég syng bara
money, money, money ,mooneyyy... money! og hlæ alla leiðina í bankann...

communication

For 27 years I’ve been trying to believe and confide in
Different people I’ve found.
Some of them got closer then others
Some wouldn’t even bother and then you came around
I didn’t really know what to call you, you didn’t know me at all
But I was happy to explain.
I never really knew how to move you
So I tried to intrude through the little holes in your vanes

And I saw you
But that’s not an invitation
That’s all I get
If this is communication
I disconnect
I’ve seen you, I know you
But I don’t know
How to connect, so I disconnect

You always seem to know where to find me and I’m still here behind you
In the corner of your eye.
I’ll never really learn how the love you
But I know that I love you through the hole in the sky.

Where I see you
And that’s not an invitation
That’s all I get
If this is communication
I disconnect
I’ve seen you, I know you
But I don’t know
How to connect, so I disconnect

Well this is an invitation
It’s not a thread
If you want communication
That’s what you get
I’m talking and talking
But I don’t know
How to connect
And I hold a record for being patient
With your kind of hesitation

(The Cardigans, "long gone before daylight")

Quiz your friends

Ok, ég hef gert þetta áður en núna nenni ég ekki að senda póst á alla þannig að þið getið bara smellt á linkinn neðst hérna til að taka þetta próf ef þið hafið áhuga :)


I made a Quiz for you! Take my Quiz! and then Check out the Scoreboard!

Söngstjarna

Boybandið McFly, Marilyn Manson og Keane eru á sveimi í hausnum á mér eftir 7 klst. vinnu á Glerártorgi í dag. Á milli apóteksins og Pennans var settur upp singstar bás þar sem krökkum var leyft að spreyta sig á hinum ýmsu lögum en þó virtustu þau öll velja sömu þrjú lögin.... needless to say þá er ég með hausverk.

Eitt gott kom þó út úr þessu, ég gróf upp Keane diskinn og hlustaði á hann þegar ég kom heim úr vinnunni (lágt samt) til þess að muna að það eru ekki allir sem syngja illa

pissed

gerði mig sæta, labbaði í bíóið til að sjá myndina og hvað gerist? hljóðið á myndinni ónýtt!
engin bíómynd, enginn Martin... oh well, sé hana á vídeó eftir 3-6 mánuði...

THHGTTG

Loksins ætla ég í bíó til að sjá minn heitt elskaða Martin Freeman leika í Hitchhiker's.. verð bara að fara ein og þola störur og pískur frá þeim sem þora ekki einir í bíó.. hehe.

Er annars búin að vera að vinna aðeins og því þreyttari en venjulega.. merkilegt hvað maður byggir upp vinnuþrek líkt og annað þrek.. ef maður heldur þessu ekki við er maður alltaf þreyttur *geisp*

Lag dagsins: Dance, Dance, Dance (er til einfaldari setning en "I´m a girl and you´re a boy... so lets dance, dance, dance.. snilld)
bók dagsins: Rigning í Nóvember eftir Auði Ólafsdóttur

lægð

ég ætlaði að skrifa eitthvað gott og upplífgandi í dag en ég finn það hreinlega ekki.
ég er þreytt, alltof þreytt..

(góð)verk og önnur verk

Ég horfði á survivor í gær, sennilegast eins og margir aðrir, og hélt kannski ekki beint með neinum en alla vega ekki með Katie. Hef sjaldan séð jafn latann kvenmann og þar á bæ, ussu svei! Svo kom Ian, með buxurnar á mjaðmabeinunum og hvítan rass og gaf frá sér milljón svo hann og slökkviliðsmaðurinn gætu nú örugglega verið vinir eftir þáttinn. Halló? eftir 12 tíma hangs á bauju þá bara, "ok, þú vinnur". Þetta fannst mér of mikið góð-verk fyrir minn smekk. Nú brunar brunamaðurinn um New York með milljónina sína og gefur örugglega slatta í 9/11 sjóðinn fyrir ekkjur slökkviliðsmannanna. Það er reyndar góðverk með réttu.

Mér var svo bent á annað góðverk - eða frekar samstöðu af Bjössa. því á morgun er handklæðadagurinn til minningar um Douglas Adams, sem ritaði Hitchhiker's guide to the galaxy. Mæli með því að sem flestir fari eftir þessu og skundi í vinnuna, skólann eða hvert sem er með eitt handklæði um hálsinn, undir hendinni, bundið um töskuna etc. samstaða er flott. Svo eiga sumir líka flottari handklæði en aðrir *blikk* *blikk*

Blixen, Karen Blixen

mm var að ljúka við bókina Gestaboð Babette. Snilldarbók eftir Blixen.. Held ég verði núna að lesa Afríkubækurnar hennar og jafnvel skella mér út á vídeóleigu og taka Out of Africa sem var víst gerð eftir þeim..
Hef tekið þá ákvörðun að nálgast nokkur meistaraverk bókmenntanna í sumar. Finnst eins og ég hafi vanrækt þessar elskur meðan ég var í námi í vetur, enda lítill tími til að lesa annað en skólabækurnar þá. Setti því saman lista yfir nokkrar sem ég hef alltaf ætlað að lesa en aldrei hafið mig í þær:

-Anna Karenina e. Tolstoj
-Don Kíkóti e. Cervantes
-One hundred years of solitude (Hundrað ára einsemd) e. Marques
-On the road (Á vegum úti) e. Kerouac

Svo eru „nýju“ höfundarnir sem ég er enn að kíkja á og reyna að finna bækur með:
-V.S Naipaul
-Magnus Mills

Annars held ég að þetta sumar ætli aldrei að koma. Það er reyndar hætt að snjóa og sólin skein í u.þ.b. 5 mínútur í morgun en samt.. það er ekki nóg...

haglél

vaknaði í gærmorgun, teygði aðeins úr mér og velti því fyrir mér hvort ég ætti að sofa aðeins lengur, það var nú einu sinni laugardagur... drattaðist þó á lappir og kíkti út um gluggann. Snjókoma. Bíddu - er ekki örugglega maí? Mundi svo mér til skelfingar að það var fjölskyldugrill í Aðaldal fyrirhugað þann daginn og þykkasti jakkinn sem ég kom með norður var léttur sumarjakki. Flott.
Eftir að keyra í gegnum skafla (já, skafla!) á Víkurskarði var ég mætt í sumarbústað með yfirdekkuðum palli (plast) og fór í ratleik með yngri börnin. Það snjóaði allan tímann, eiginlega haglél... Grilluðum svo, átum í kulda og keyrðum heim til að ná Eurovision kl 7..

Ég pældi svo mikið í því hvort þetta hefði nokkuð verið svo slæmur dagur. Þarna var ég í miðju hrauninu, skítkalt og með ennisband svo ég leit úr eins og söngvarinn í Wig Wam en allt í kringum mig var fólk sem vildi hlýja manni, lána manni dót eða leyfa mér að sitja aðeins inni, svona rétt á meðan tærnar þiðnuðu... Kannski er bara fínt að grilla í snjó - maturinn var alla vega ekki síðri.

BBC Three

ég vona að einhver hafi séð eftirpartý eurovision á BBC Three þar sem norski söngvarinn fór á kostum og káfaði á brjóstunum og lærunum á sjónvarpskonunni, klæddi hana úr skónum og sleikti á henni tærnar/fótinn! það þurfti á endanum að reka hann úr BBC tjaldinu.. flott..

netleysi, eurovison og lestur

ok.. netið hrundi sem sagt heima hjá mér í gær! vissi varla að mér gæti liðið svona illa..úff.. ótrúlegt hvað maður er fljótur að venja sig við svona óþarfa ;)

Ég gafst upp á Börnin í Húmdölum.. var ekki að fíla hana eftir 3 fyrstu kaflana og þá er ég viss um að það hefði ekkert batnað eftir það. Annað hvort er jökull seriously disturbed eða hann átti frekar bjagaða barnæsku.. Fór í staðinn að lesa 101 dagur í Bagdad eftir Asne (sjá síðasta póst :) og svei mér þá ef ég er ekki bara orðin stóraðdáandi hennar! Þetta er pía með bein í nefinu og hún kann að skrifa OG pían sem þýðir bókina yfir á íslensku vinnur sína vinnu vel. held hún heiti Erna eða Erla... góð bók sem ég rétt kláraði í morgun þegar ég vaknaði..

Er annars ekkert búin að vinna í þrjá daga og er bara búin að lesa, sofa og glápa aðeins á sjónvarpið...sem sagt er í sumarfríi :) Er mætt aftur á bókasafnið, bæði til þess að nota netið og finna mér fleiri bækur. Gerði svona smá samning við sjálfa mig að fyrir hverja 2 bækur sem ég læsi á íslensku mætti ég lesa 1 á ensku (verð að auka íslensku lestur minn, ahemm) þannig að nú má ég kíkja í hilluna við vegginn..mmmm..

Var annars nett svekt í gær - ekki það að ég hefði búist pottþétt við því að við færum áfram í Eurovision en þetta tekur nú heilmikið úr stemmningu laugardagsin, er það ekki? Verð bara að halda með Noregi í staðinn... „come on come on come on“

lag dagsins: þemalag Ab Fab
bókin: sennilegast Magnus Mills :)

productivity

Til að bæta fyrir aðgerðaleysi mánudagsins átti ég hreint magnaðann dag í gær! Vaknaði snemma og dreif mig í að klára Bóksalann í Kabúl (Asne Seierstad) sem mér líkaði bara hreint ágætlega. Veit nú meira um búrkur og menningu Afganistans en ég gerði áður. Nú þar sem ég var búin með einu bókina sem ég tók með mér norður skellti ég mér bara á bókasafnið (náði að grafa upp kortið áður en ég kom) og fékk mér nokkra velvaldar, þar með talið bókina Hr. Ibrahim og blóm kóransins eftir Eric Emmanuel-Schmitt (minnir mig :) Bjartur gaf sem sagt út 3 stuttar bækur eftir hann um áhrif trúarbragða í heiminum og þessi bók er fyrst í röðinni. Verð nú að bíða eftir að fá hinar tvær því ég las hana upp til agna í gær líka! Skellti mér svo í vinnuna í nokkra klst. og endaði kvöldið á að fara í bíó á The Wedding Date. Ágætis mynd byggð á looooooooooooooove formúlu sem maður sér alltaf annað slagið og hélt manni vakandi í 90 mínútur...skil samt ekki af hverju það er hlé á svona stuttum myndum....

Í dag er sólin loksins komin aftur og góðar líkur á því að ég fái einhverja vinnu í dag líka :) cheers mate

Lag dagsins : Elliot Smith 'Needle in the hay'
bókin: : Börnin í Húmdölum e. Jökul Valsson

ok, held ég sé prófa sjúk þessa dagana.. hef lítið annað að gera þar sem ég er ekkert að vinna alla daga, allan daginn!
fannst þetta samt frekar fyndið:

What Famous Leader Are You?
personality tests by similarminds.com

Abe Lincoln... care for a civil war anyone?

of gaman

fór loksins út í gærkvöldi og skemmti mér vel. eiginlega of vel og hef ég verið að súpa seyðið af því í allan dag.. borðaði fyrstu máltíðina mína fyrir klst. og hún var ekki í verri kantinum.. lambalæri with the works!
love it

Eyddi deginum sem sagt hálf rænulaus með arma mína um postulínsskálina og beið og vonaði að ég gæti bara sofið og vaknað full frísk aftur!Takk fyrir frábært kvöld Anna og Elvar...

Whitsunday

það er ekki oft sem ég tek þátt í svona könnunum er what the hell


You are a Folkie. Good for you.


What kind of Sixties Person are you?
brought to you by Quizilla

flott bara
Ætla mér að eyða deginum í afslöppun.. vaknaði 8:30 í morgun (sjálfvirk vekjaraklukka að nafni Ágúst Óli) og vappaði niður á Iðavöll til að róla og moka sand í fötu. nú er ég þreytt og held ég leggi mig með barninu.. *geisp*

gleðilegan hvítasunnudag öll sömul, hafið það sérstaklega gott...

strengir...

...út um allt í dag! Eftir að hafa brunað hingað í höfuðstað norðursins þá tóku við flutningar fyrir systur mína sem hafa vakið kenndir í líkamanum sem ég vissi ekki að ég ætti til. Hvernig er hægt að vera með strengi þar sem maður ætti ekki að vera með þá? Það er hægt að spila á mig lag ég er með svo mikla strengi.. ahaha..ahemm..

Laugardagurinn mikli runninn upp, er að fara í klippingu á eftir og svo er opnun á sýningunni Fallhlífar í Gallerý Box kl. 16:00 á eftir (fötin hans Guðjóns) ásamt verkum Jónu Hlífar og Egils Sæbjörnssonar. Þannig að ef þið eruð á Akureyri - endilega skellið ykkur!

Jæja, ég held áfram að humma eurovision lagið og suicide is painless áfram...hmm hmm hmmmmmm hmm hmm

home is the hunter

Eins og glöggir reka augun í hefur titill heimasíðunnar minnar breyst (bara fyrir þig Bjössi :)
Eftir 5 klst ferð með hinu sígilda stoppi í Staðarskála er ég komin heim í hjartað mitt, Akureyri. Át svívirðilega mikið af Nóa-Síríus piparminntumolum og splæsti á mig fröllum í skálanum (ég meina, hversu oft er maður í Staðarskála)en nú er sukkinu líka lokið. Héðan í frá er það bara apríkósur og sveskjur á minn disk ;)

Annars þarf ég sennilegast ekki að sofa á vindsæng í 6 vikur :) sé fram á að pabbi minn verði svo góður að lifta gamla rúminu mínu upp á efri hæðina og leyfa mér að vera með heilbrigt bak í sumar, vei! Ég ætlaði samt að gera þetta, flott saga, „yes, one summer i slept on an airmattress at my parents house. it was cool“

anywho, er að leeeeeka niður úr þreytu eins og maskari á konu sem er búin að tjútta of mikið inni á kaffi ak þannig að ég bíð bara eftir desperate housewifes og rotast svo eflaust vel og vandlega

Ferðatöskulíf

Jæja, ætlaði mér að pakka aðeins í eina tösku til að fara með í flökkulíf mitt til Akureyrar en dótið náði að flæða yfir í bakpoka og plastpoka í viðbót.. merkilegt..

Hitti stelpurnar á Thorvaldsen í gær og slakaði á með spjalli um ólíklegustu hluti og skemmti mér konunglega! Kláraði svo að laga til og pakka niður í dag og bíð spennt eftir að kl. verði 9 í fyrramálið þegar við brunum af stað í höfuðborg norðursins..

Ég býst við að vera í burtu til 20 júní þannig að ég verð bara með gsm símann þann tíma.. vona að allir séu hressir, er svo þreytt og andlaus þannig að ég læt þetta duga í kvöld og blogga næst úr 600 Akureyri

búin

með verkefnin, búin að skila, er að klára vinnuna, í dag mun ég sofa vel í fyrsta sinn í 2 vikur

þreyta

bæði andleg og líkamleg er að hellast yfir mig. Vaknaði í morgun með bros á vör og fullviss um að allt yrði gott í dag. um leið og ég mætti í vinnuna fann ég einvhern veginn þreytuna skríða upp eftir bakinu á mér og ´ge er ennþá geispandi.. er á leiðinni heim eftir erfiða viku, bara 1 verkefni eftir og skil á mánudaginn.

Ætla að kíkja á Maríu Erlu annað kvöld, hlusta á eins og einn þátt af útvarpsþáttunum um Hitchhiker´s guide (takk bjössi ;) og þykjast vera 15 ára aftur og vera að hlusta á lánaðar kasettur með stórum rauðum stöfum: DON'T PANIC

ch-ch-ch-changes

já margt getur breyst þegar maður bloggar ekki í nokkra daga! Ég á nú einungis 1 verkefni eftir (og lagfæringar á 1 öðru) og skiladagur er á föstudag.. held það sé nú bara sérdeilis gott! Er búin að vera að vinna og læra til skiptis í 2 vikur núna og er nánast að sjá fyrir endan á þessu öllu saman..

Annars er komin upp ný staða með sumarið hjá mér. Ég verð á Akureyri í maí og júní en byrja aftur að vinna hér í reykjavík í lok júní og alveg út ágúst. Jebbsí, i´m going home... Er frekar sátt því þetta verður næstum eins og sumarfrí að fara norður, plús það að ég get spillt litla frænda mínum óendanlega, veivei!

Við keyptum okkur grill og grilluðum feitustu svínasneiðar sem ég hef séð á laugardaginn. Náði næstum að næla mér í netta reykeitrun en það var þess virði!
Tókst svo samt að brenna á mér hægri hendina í gær með því að sletta eins og einni skál af Vilko bláberjasúpu yfir hana.. beint úr pottinum nánast! Það er vont að brenna sig, sérstaklega þegar maður á ekkert Aloe vera gel :( redduðum því nú samt og ég er as good as new í dag :)

Jæja gott fólk, skila öllu á fös 6.og mán. 9 maí, Hitchhiker´s kemur í bíó 4. maí, Lost í sjónvarpinu í kvöld.. þetta eru góðir dagar

Verkefnaveður, verkerfnaveður, tralla la la la lala

já góðir hálsar, nú skal hrækt í lófa og bætt á bensínið því einungis 10 dagar eru í verkefnaskil! annars stend ég ágætlega að vígi, einungis eftir að laga 2 þýðingar og skrifa eina setningafræðiritgerð...jammsí kjamms...

Það gengur vel í vinnunni en ég á bara eftir þessa viku og næstu - í bili að minnsta kosti, sjáum hvað setur með þetta vinnuástand síðar...
Sumarið er held ég komið hérna í reykjavík, alla vega splæsti bossinn minn á okkur ís í gær í tilefni hitans og mannfjöldans á austurvelli. ÞAð er brilliant gler í rúðunni sem snýr þangað, við getur horft á fólk en það sér ekki inn, hahaha! Það mætti nú samt alveg rigna í 2 vikur í viðbót, svona til þess að maður héldist inni og kláraði verkefnin sín...

jæja fólk, ég ætlaði rétt bara að láta vita að ég er á lífi :)

ole ole ole ole

úff, það er erfitt að vera svona netlaus! er í vinnunni í kaffitímanum að pikka inn hér örfá orð til að láta fólk vita að ég er ekki búin að gleyma mér :)

Er sem sagt byrjuð að vinna í apótekinu og líkar rosa vel, er einnig að reyna að klára öll verkefnin mín og ég verð að segja að ég stend mig bara býsna vel! miklu betur en fyrir jól :)

en, sem sagt, er hálf netlaus þar sem ég er aldrei uppí skóla en reyni að kíkja hér inn annað slagið...

tjus í bili

síðustu dagarnir

ég er í skólanum í síðasta sinn í dag, jei! Nei kannski ekki alveg.. það er alla vega síðasta kennslustundin milli 5-7 í dag og verð ég nú að segja að ég er býsna fegin. Hálfkláruð verkefnin eru farin að hrannast upp og kominn tími á að einbeita sér að þeim í stað þess að lesa meira nýtt efni. Held fyrirlestur á eftir um metaleitarvélar (aha) og rúlla svo heim til að taka upp desperate..

Talandi um síðustu skipti þá er síðasti vinnudagurinn minn hjá Íslandspósti á morgun! um kl 11 í fyrramálið verð ég laus úr rauða gallanum og hef skellt kerruni í fangið á nýrri pæju.. á nú sennilegast eftir að sakna sumra nafnana úr hverfinu.. Það býr mikið af asísku fólki þar með sérdeilis skemmtileg nöfn sem minna á ýmislegt skondið á íslensku, t.d. rækju og ragnarök. Er að sofna fyrir framan þennan tölvuskjá, ætla mér að standa upp og teygja úr mér... ble

og dagarnir lengjast..

Sem betur fer kannski!
Jæja, nú er kominn tími á fréttaflutning. Fékk skammir frá Jóhann í þýðingafræðipartýinu á laugardaginn svo nú er von á betrun :)

Já, er sem sagt búin að vera ansi mikið í skólanum og skólatengdum verkefnum síðustu viku eða svo. Var reyndar lasin mán-þri svo þar fóru 2 dagar í súginn að mestu. En, laugardagurinn var schnilld og vildi ég að fleiri hefðu heyrt hvað við vorum að gera þarna í Odda. Það var sem sagt málstofa um þýðingarýni þar sem við fjölluðum um þýðingar á 9 bókum og reyndum að sjá hvort eitthvað hefði betur mátt fara og hvað var snilld. (löng setning)
Í stuttu máli þá var mjög gaman, fróðlegt og eftir á var partý!

Í tilefni þess að mamma mín var hérna um helgina fór ég loksins á þjóðminjasafnið! Verð að segja að grunnsýningin er ansi flott þó að neðri hæðin sé frekar dimm. Flott uppsetning og gaman að labba þarna í gegn. Skoðaði svo að sjálfsögðu Óm, sýninguna í bogasalnum og ljósmyndasýninguna Í Vesturheim 1955 sem er á jarðhæðinni. Geggjaðar svarthvítar myndir frá íslendingaslóðum í N-Ameríku fyrir 50 árum.

er að reyna að klára verkefnin mín fyrir 6. maí og verð því eflaust eitthvað meira í netsambandi á næstunni..

formúla, páfinn og mónakó

já,

Fyrirlesturinn gekk ágætlega í gær, vorum síðust þannig að allir voru orðnir pínu þreyttir, líka við sem vorum að flytja hann! Bara fegin að geta hakað við enn eitt verkefnið og reynt að gleyma því...

Annars var ég full fljót á mér að tilkynna vorkomu í borginni - núna snjóar með hléum og sólin veit ekki hvort hún á að fara eða vera. hún er hálf í felum akkúrat núna en það er í lagi, er hvort sem er inni...
3. mót formúlunnar var í TV í morgun, sá ekki betur en að mínir menn (þeir eru margir) hafi staðið sig vel nema hnappurinn minn (Jenson Button) hann datt víst út vegna Honda vélarbilunar, tsk tsk. Greinilega ekki á Civic með spoiler og lituðum rúðum, c.a. 1989 árgerð..

En páfinn dó í gær, gamli maðurinn. Nú liggur hann á börum og fólk vottar honum virðingu. Manni dettur í hug bókin Angels and Demons eftir Dan Brown því allir eru að tala um þessa leynilegu siði í kringum val á nýjum páfa. Gaman að sjá hvort það verði einhver stuðbolti í kringum sextugt?

Svo er líklega stutt í að Albert verði ekki lengur prins af Mónakó heldur. Rainier pabbi hans er víst frekar illa haldinn. Kannski Ragnheiður Clausen vilji giftast honum núna? spurning, spurning

1. apríl - enn ekkert gabb

arg garg.. afsakið bloggleysi.

Það er búið að vera brjálað að gera síðan ég kom aftur suður. Er búin að sökkva mér í hópavinnu vegna fyrirlesturs sem er í fyrramálið í háskólanum. er þreytt, með hausverk og langar upp í sófa að horfa á guiding.

Lofa bótum og betrun frá og með morgundeginum, læt vita hvernig fyrirlestur gengur.


p.s. það er komið vor í reykjavík :)