Úff púff!
Langri júróvisíon helgi lokið og byrjuð í nýju vinnunni.
Ég var boðin í ógrynni af partýum á laugardaginn en fór til Lisu í Hafnarfjörðinn og tók þátt í vel skipulögðu og þrælskemmtilegu skemmtanahaldi, þar sem ég dró Finnland, Króatíu og Frakkland sem mínar þjóðir :) Nú vegna þess að Finnland vann þá vann ég líka! Ég fékk diskinn hennar Silvíu svo nú skarta ég bæði íslensku og ensku útgáfunni, karókí útgáfu og KGB remix af laginu... ó já ;)
Eftir mikið át og mikinn hlátur brunaði ég heim og beint í bólið – held ég sé að eldast!
Á sunnudaginn höfðum við María planað esjugöngu en sökum mikils kulda var henni frestað um eina viku svo ég sat heima og lagaði til, horfði á Vesturálmuna og föndraði.
Í gær byrjaði ég svo í nýju vinnunni minni og er einmitt á leiðinni út úr dyrum núna svo ég hef það extra stutt. Gaman í vinnunni, fékk að sjá alla ranghala hússins, fékk að laga texta úr próförk, finna spólur, lét taka mynd af mér, fæ skírteini í dag og skemmti mér stórvel ;) verð að þjóta í strætó,
ble í bili elskurnar
23. maí 2006
Gerast áskrifandi að:
Birta ummæli (Atom)
2 ummæli:
Ég er bara lasin svo ég hef ekki lesið bloggið þitt né hringd en ég hef hugsað til þín :-) Mega grúví að þú líkur vel í vinnunni elskan... og vá hvað þú ert Eurovisjón stelpa... 6 af 10 rétt.... þetta er ekki slæmt elskan!!
heyy.. ég er svo skemmtileg að ég erþá að pæla hvar í fjundanum þúfannst þessar IKEA auglýsingar með lampana...
mig er farið að langa mjög mikið að sjá þær ;)
Skrifa ummæli