...

Undanfarið hef ég verið að taka til. Ég tók til í sálinni með góðri hjálp, ég er að taka til í líkamanum og gengur vel og nú ætla ég að taka til hér.

Ég byrjaði að blogga þegar ég flutti til Kanada, fyrir nær 6 árum síðan. Ég bloggaði fyrir sjálfa mig og fyrir vini og vandamenn heima á Íslandi og hélt þannig niðri himinháum símreikningum, auk þess sem mér fannst gaman að deila með öðrum því sem fyrir augu bar.

Þegar ég kom heim tók ég mér frí frá blogginu en byrjaði svo aftur þegar ég flutti til Reykjavíkur. Þá bloggaði ég áfram fyrir sjálfa mig og svo vini og vandamenn sem staddir voru erlendis eða hér heima á Akureyri.

Þegar ég flutti svo aftur hingað fyrir nær 2 árum hélt ég áfram að blogga, nú lítillega fyrir sjálfa mig en aðallega fyrir vini mína sem ekki voru á Akureyri.

Í dag er ég ekki að blogga fyrir neinn lengur. Svo það er komið nóg. Engin dramtík - hef bara voða lítið að segja. Ég vil líka frekar hringja í fólk eða kíkja í heimsókn :)

Takk fyrir fallegar og oft á tíðum stórskemmtilegar athugasemdir gegnum árin -
knús og kram,

Láran

Eva "litla" systir

Elsku Evan mín átti afmæli í gær - 24 ára þetta krútt :)

Ég man ennþá eftir því þegar ég gat keyrt þig í dúkkukerrunni :D

Í dag fá þau Árni Björn svo íbúðina sína afhenta þannig að skötuhjúin fara loksins af stúdentagörðunum - hipp hipp húrra!

Í öðrum fréttum þá hefur veðurblíðan leikið við okkur hérna fyrir norðan og notaði ég tækifærið og skellti mér í sund í gær. Ég held að sólin hafi endurkastast langt út í geim á postulínshvítri húð minni en ég er ekki frá því að ég hafi dökknað aðeins. Ég fékk í það minnsta nokkrar frekknur á nefið :) Ég keypti mér líka nýjan sundbol, ef "sund"bol skyldi kalla. Hann er meira svona "sólbaðsbolur" þar sem ég myndi ekki treysta mér til að synda í honum.

Óliver er að fara í skoðun og sprautu hjá dýralækninum í vikunni og það verður gaman að sjá hvort kvikindið fái ekki toppeinkunn - hann fær alla vega 10 hjá mér þessi elska :* Nú eru líka bara rétt rúmar 3 vikur í að ég taki hann heim með mér - jei!

Veðrið er yndislegt, iðnaðarmennirnir farnir að vinna í holunni hérna fyrir utan. Ætla að gá hvort einhver sé farinn úr að ofan...

p.s. bara 5 dagar í EM í fótbolta!!

gobbeldigook

sigur rós komið með nýtt lag í spilun og myndband með beru fólki (rísið nú upp, teprur landsins) og ég held að ég sé hreinlega að fíla þetta. Allt öðruvísi en áður en samt þeir... Orri fer hamförum á trommunum! Hlakka til að heyra rest, þann 23. júní ;)

Voruð þið annars búin að fatta að maí er alveg að verða búinn? Það mætti reyndar ætla, miðað við hitabeltisloftslagið hér á 7. hæðinni, að það væri miður júlímánuður. Hver trúir því að það sé 18-20 stiga hiti hérna dag eftir dag? Klöppum fyrir öfugum hæðum/lægðum sem skófla heita loftinu til okkar!

Þetta hitabeltisloftslag er að gera út af við skapandi hugsun hjá mér svo ég læt staðar numið.

jú annars, takk fyrir öll fallegu kommentin varðandi Óliver ;)

Er hægt að vera meira krútt?

Óliver, 5 vikna og 3 daga gamall í dag.

og svo ein af okkur saman :)

Babell

Ég fékk heimsókn í gær frá Ágústu og gaf hún mér svona ótrúlega krúttlegan köku/ávaxta stand! Takk kærlega fyrir mig - nú er eina vandamálið hvort ég eigi að setja kökur eða eitthvað hollara á bakkana? ;)

Bloggletin heldur áfram og er alveg að drepa mig.. Stundum nennir maður bara ekki að deila með öðrum. Stundum er bara gott að melta sjálfur. Annars er helst í fréttum að ég er ekki enn búin að kíkja aftur á Óliver en ætla að drífa í því - langar mikið að sjá krúttið ;)

---

Ég fæ líka loksins sjónvarp á eftir! adsl-myndlykillinn mætir á svæðið um fjögur leytið svo ég held ég baði mig í lélegu sjónvarpsefni næstu daga, svona til að bæta upp fyrir síðustu 3-4 vikur hehe.

---

Ég kíkti út í Mið-Samtún til Ingu og Einars og sauðburður er þar í fullum gangi. Fékk að klappa nokkrum lömbum, gefa á garða og fylgjast með hundaskottunum borða misgáfulega hluti. All in a days work :)

---

Framundan er brúðkaup Írisar og Halldórs í Reykjavík, flutningur litlu systur af stúdentagörðunum og svo heimkoma Ólivers í lok júní. Er lífið ekki bara nokkuð gott?

Pleh

Langur tími, lítið blogg.

Er í andleysi ársins, þ.e. fæ alltaf leið á blogginu mínu annað slagið og er í þeim gír núna. Verð samt að deila því með ykkur að ég fór á tónleika með Svavari Knúti á Græna Hattinum 1. maí og skemmti mér stórkostlega. Útilegulag Gunnars í Krossinum og baráttulagið Mengum Ísland hafa hljómað í huga mér undanfarna daga.... you had to be there ;)

Ég kíkti líka á Jökul Bergmann og hann er algjört krútt. Gaman að sjá mumma í pabbaleik, hehe.

Nú er Óliver líka orðin 3ja vikna og ég ætla að kíkja á hann í vikunni - set þá örugglega nýja mynd af kvikindinu hérna inn. Hlakka til að sjá hvað hann er orðinn stór og hvort hann er ennþá jafn frekur á mat!

Safnadagurinn var í gær og afrekaði ég að fara í fyrsta sinn á bæði Smámunasafnið og Iðnaðarsafnið. Á því fyrrnefnda sá ég flotta heimildamynd um Sverri Hermannsson sem verður sýnd seinna á árinu á rúv - ekki missa af henni því þetta er hörku kall með ótrúlega ævi að baki.
Á Iðnaðarsafninu sá ég svo svart á hvítu hvað Akureyri hefur í raun breyst mikið síðustu 50-60 árin. Ég fann líka 3 myndir af verkstæði langa afa míns, sem svo skemmtilega vill til að ég bý í núna. Mæli með þessu - ótrúlega hollt eitthvað fyrir mann.

Nú ætla ég að sigla inn í sunnudaginn með bros á vör og hugsa um að dansa - hvað er betr' en að dansa?

Everyday People

Muna fleiri eftir þessari snilld? Elskaði þetta lag á sínum tíma og finnst það ennþá flott ;)

Tileinka lagið Mumma og Söru sem eignuðust lítinn dreng í nótt - til lukku mín kæru!