Kenndi á Möðruvöllum í dag.
Þeir sem þekkja til MA vita að Möðruvellir er móderníska, kassalaga byggingin sem sést þegar þú kemur að skólanum frá Þórunnarstræti. Vanalegast kenna tungumálakennarar aðeins í Gamla skóla og á Hólum en auðvitað þurfa menn að flakka á milli - bara hollt.
Mér tókst að "týna" veskinu mínu á leiðinni heim frá Reykjavík. Eftir mikla leit og örvæntingarfulla hringingu í bensínstöðina í Borgarnesi, bankann fyrir lokun og í Valdísi sem ég keyrði með, gafst ég upp og taldi það glatað. Sem betur fer fann hún Valdís það síðan í bílnum sínum svo ég glataði ekki öllum kortunum mínum, ökuskírteininu, nafnspjöldum og kaffibollakortinu ómissandi. Þvílíkur léttir. Sannar bara það að um leið og þú hringir í bankann og lætur loka kortunum þá finnurðu veskið.
Þeir sem þekkja til MA vita að Möðruvellir er móderníska, kassalaga byggingin sem sést þegar þú kemur að skólanum frá Þórunnarstræti. Vanalegast kenna tungumálakennarar aðeins í Gamla skóla og á Hólum en auðvitað þurfa menn að flakka á milli - bara hollt.
Mér tókst að "týna" veskinu mínu á leiðinni heim frá Reykjavík. Eftir mikla leit og örvæntingarfulla hringingu í bensínstöðina í Borgarnesi, bankann fyrir lokun og í Valdísi sem ég keyrði með, gafst ég upp og taldi það glatað. Sem betur fer fann hún Valdís það síðan í bílnum sínum svo ég glataði ekki öllum kortunum mínum, ökuskírteininu, nafnspjöldum og kaffibollakortinu ómissandi. Þvílíkur léttir. Sannar bara það að um leið og þú hringir í bankann og lætur loka kortunum þá finnurðu veskið.
Lögmál.
3 ummæli:
Ég var líka að prófa að kenna á Möðruvöllum í fyrsta sinn. Einkennileg tilfinning, eitthvað svo ójöfn en þó rúðustrikuð og formúlukennd; veit ekki alveg hvernig ég á að sanna hana. Hmm.
He he, algjörlega sammála! Það er eitthvað í loftinu þarna... Svo eru nemendur líka alltaf að horfa út um gluggann. Bílastæðið er greinilega mjög spennandi!
Hvað segirðu Stefán? Varstu fyrst að prófa Möðró nýlega? Og ég sem þurfti að kenna í Gamla Skóla og á Hólum strax á fyrstu önnunum mínum.
Ég fyrir mitt leyti kann best að meta rúðustrikunina í Möðruvöllum, á ekki vel heima í þessu lífræna umhverfi niðri í Gamla skóla, þó að Hólar hafi reyndar alltaf reynst mér nokkuð vel.
Skrifa ummæli