2. júní 2008

Eva "litla" systir

Elsku Evan mín átti afmæli í gær - 24 ára þetta krútt :)
Ég man ennþá eftir því þegar ég gat keyrt þig í dúkkukerrunni :D

Í dag fá þau Árni Björn svo íbúðina sína afhenta þannig að skötuhjúin fara loksins af stúdentagörðunum - hipp hipp húrra!

Í öðrum fréttum þá hefur veðurblíðan leikið við okkur hérna fyrir norðan og notaði ég tækifærið og skellti mér í sund í gær. Ég held að sólin hafi endurkastast langt út í geim á postulínshvítri húð minni en ég er ekki frá því að ég hafi dökknað aðeins. Ég fékk í það minnsta nokkrar frekknur á nefið :) Ég keypti mér líka nýjan sundbol, ef "sund"bol skyldi kalla. Hann er meira svona "sólbaðsbolur" þar sem ég myndi ekki treysta mér til að synda í honum.

Óliver er að fara í skoðun og sprautu hjá dýralækninum í vikunni og það verður gaman að sjá hvort kvikindið fái ekki toppeinkunn - hann fær alla vega 10 hjá mér þessi elska :* Nú eru líka bara rétt rúmar 3 vikur í að ég taki hann heim með mér - jei!

Veðrið er yndislegt, iðnaðarmennirnir farnir að vinna í holunni hérna fyrir utan. Ætla að gá hvort einhver sé farinn úr að ofan...
p.s. bara 5 dagar í EM í fótbolta!!

4 ummæli:

Nafnlaus sagði...

Verst hvað blessaðir verkamennirnir eru flestir gamlir með bumbu :) Við Helgi Már fylgjumst vel með úr hornglugganum okkar og getum þá lánað þér kíkinn ef vel ber í veiði! hehe

Nafnlaus sagði...

Til lukku með litlu sis :-)
Knús ame

Nafnlaus sagði...

allir vita að sundlaugar eru ekki ætlaðar í sund og önnur skrípalæti.
Pottur, sólböð og standa á höndum á grynninu.

Lára sagði...

Takk ame mín :*

já það er rétt Eva Stína, enda sá ég nokkrar ungar stúlkur reyna að standa á höndum og flissaði inni í mér ;)